Read Time:1 Minute, 50 Second
(ފޮޓޯ ކްރެޑިޓްސް: މިހާރު)
ބޭސް އެތެރެކުރުމަށް ސަރުކާރުން އަލަށް އުފެއްދި “ސްޓޭޓް ފާމަސޫޓިކަލް އެންޑް މެޑިކަލް ސަޕްލައި” ކުންފުނިން ރާއްޖެއަށް ބޭސް ގެނެސް، ރަށްރަށަށް ފޮނުވަން ފަށައިފިއެވެ. ހެލްތު މިނިސްޓަރު އަބްދުﷲ ނާޒިމް އިބްރާހިމް ވިދާޅުވި ގޮތުގައި، މި ކުންފުނި އުފެއްދެވީ ބޭހާއި މެޑިކަލް ސާމާނަށް ހާއްސަ އިސްކަމެއް ދިނުމުގެ ގޮތުންނެވެ. މީގެ ކުރިން މި މަސައްކަތް އެސްޓީއޯއިން ކުރަމުން އައި ނަމަވެސް، މިހާރު ރަށްރަށުގެ ބޭސް ފިހާރަތައް ވަނީ އާ ކުންފުނީގެ ދަށަށް ބަދަލުކޮށްފައެވެ. މި ބަދަލާއެކު ބޭސް ލިބުމުގައި ހުރި ދަތިތަކަށް ހައްލު ލިބި، ހިދުމަތްތައް އަވަސްވެގެންދާނެ ކަމަށް މިނިސްޓަރު ފާހަގަކުރެއްވިއެވެ. އަމިއްލަ ފަރާތްތަކުން ބޭސް އެތެރެކުރުމުގައި ދިމާވާ މައްސަލަތަކާއި ބޭހުގެ އަގުތަކަށް އައި ބަދަލުތަކުގެ ސަބަބުން ކުރިމަތިވި ގޮންޖެހުންތަކަށް މި ކުންފުނީގެ ސަބަބުން ދާއިމީ ހައްލެއް ލިބޭނެ ކަމަށް ސަރުކާރުން އުންމީދު ކުރެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0