Read Time:1 Minute, 42 Second
(ފޮޓޯ ކްރެޑިޓްސް: ޕީއެސްއެމް ނިއުސް)
އަންނަ މަހު ބާއްވާ ލޯކަލް ކައުންސިލް އިންތިޚާބާއި، އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިޚާބުގައި ވޯޓުލުމުގެ ޙައްގު ލިބިގެންވާ މީހުންގެ ދާއިމީ ލިސްޓު އިލެކްޝަންސް ކޮމިޝަނުން އާންމުކޮށްފިއެވެ. މި ލިސްޓުގައިވާ ގޮތުން ޖުމްލަ 294،876 މީހުންނަށް ވޯޓުލުމުގެ ޙައްގު ލިބިގެންވެއެވެ. އޭގެ ތެރޭގައި ހިމެނެނީ 150،370 ފިރިހެނުންނާއި 144،506 އަންހެނުންނެވެ. މި އިންތިޚާބުތަކަށް މާލެއާއި އަތޮޅުތަކާއި ރިސޯޓުތަކާއި ޖަލުތައް ހިމެނޭހެން ޖުމްލަ 588 ވޯޓު ފޮށި ބެހެއްޓުމަށް ވަނީ ނިންމާފައެވެ. ނަމަވެސް ބޭރު ގައުމުތަކާއި ސިނާއީ ރަށްތަކުގައި ފޮށި ބެހެއްޓޭ ވަރަށް މީހުން ރަޖިސްޓްރީވެފައި ނުވާތީ އެ ތަންތަނުގައި ފޮށި ނުބަހައްޓާނެއެވެ. ވޯޓުލާ މީހުން ރަޖިސްޓްރީވެފައިވާ ތަން 1414 އަށް މެސެޖުކޮށްގެން ޗެކްކުރުމަށް ކޮމިޝަނުން ވަނީ އިލްތިމާސްކޮށްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0