Read Time:1 Minute, 49 Second
ރާއްޖޭގެ މައި ވިޔަފާރި ބަނދަރު ތިލަފުއްޓަށް ބަދަލުކުރުމުގެ ބޮޑު މަޝްރޫޢުގެ ދަށުން، ބަނދަރުގެ ޓަރމިނަލާއި އެކި ފެސިލިޓީތަކުގެ ތަފްސީލީ ކުރެހުންތައް ތައްޔާރުކޮށްދޭނެ ފަރާތެއް ހޯދުމަށް އެމްޕީއެލްއިން ވަނީ އިޢުލާނުކޮށްފައެވެ. ކުރިއަށް އޮތް 30 އަހަރަށް އަމާޒުކޮށްގެން ކުރިއަށްގެންދާ މި މަޝްރޫޢަކީ މާލޭގެ ވިޔަފާރި ބަނދަރުގެ ޖާގަ 4 ގުނައަށް ބޮޑުކޮށް، އިޤްތިޞާދީ ގޮތުން ނަފާ ހޯދުމަށް ފަރުމާކުރެވޭ މަސައްކަތެކެވެ. މި މަސައްކަތުގެ ތެރޭގައި މައި ޓަރމިނަލާއި، އޮފީސް އިމާރާތްތަކާއި، ކޮންޓްރޯލް ޓަވަރުގެ އިތުރުން ޔުޓިލިޓީ ޚިދުމަތްތަކުގެ ޑިޒައިންތައް ހިމެނެއެވެ. ސަރުކާރުގެ އަމާޒަކީ އަންނަ އަހަރުގެ ނޮވެންބަރު މަހަށް ބަނދަރު ބަދަލުކޮށް، މުދާ ހުސްކުރުމުގެ އަވަސްމިނާއި ޚިދުމަތުގެ ފެންވަރު ރަނގަޅުކޮށް، މުދަލުގެ އަގުތައް ހެޔޮކުރުމެވެ. މިކަމަށް ޝައުޤުވެރިވާ ފަރާތްތަކުން މިމަހުގެ 25 ވަނަ ދުވަހުގެ ކުރިން ހުށަހެޅުންތައް ހުށަހަޅަންޖެހެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0