Read Time:2 Minute, 2 Second
(ފޮޓޯ ކްރެޑިޓްސް: ދަނޑުވެރިކަމާއިބެހޭ ވުޒާރާ)
ދަނޑުވެރި ނަފާ ލޯނު ޕްރޮގްރާމްގެ ދަށުން މިހާތަނަށް 54 ފަރާތަކަށް 20 މިލިއަނަށްވުރެ ގިނަ ރުފިޔާ ދޫކޮށްފައިވާ ކަމަށް ދަނޑުވެރިކަމާއި ދިރޭތަކެއްޗާ ބެހޭ ވުޒާރާއިން ވަނީ ހާމަކޮށްފައެވެ. އެސްޑީއެފްސީއާ ގުޅިގެން 2019 ވަނަ އަހަރު ފެށި މި ލޯނު ދޫކޮށްފައިވަނީ 5 ކުންފުންޏަކަށާއި، 44 ފިރިހެނުންނާއި 5 އަންހެނުންނަށެވެ. މި ލޯނު ދޫކުރަނީ 6 އިންސައްތަ އިންޓްރެސްޓުގައި ދެ ގިންތިއަކަށް ބަހާލައިގެންނެވެ. އެއީ އެއްލައްކަ ރުފިޔާއާ ހަމައަށް 3 އަހަރުން ދައްކާ ގޮތަށް ދޫކުރާ ލޯނާއި، 2 މިލިއަން ރުފިޔާއާ ހަމައަށް 7 އަހަރުން ދައްކާ ގޮތަށް ދޫކުރާ ލޯނެވެ.
މީގެ އިތުރުން ކާނާގެ ޔަޤީންކަން ކަށަވަރު ކުރުމަށްޓަކައި އދ. އަރިއަދޫގައި ރުއް އާލާކުރާ މަރުކަޒެއް ޤާއިމްކުރުމުގެ މަސައްކަތް ސަރުކާރުން ދަނީ ކުރަމުންނެވެ. އަދި ދަނޑުވެރިކަމުގެ ދާއިރާއިން މީހުން ތަމްރީނު ކުރުމަށް ފާއިތުވި ދެ އަހަރު ތެރޭގައި 31 ރަށެއްގައި ޕްރޮގްރާމްތައް ހިންގާފައިވާއިރު، މި ތަމްރީނުތަކުގައި 845 ފަރާތަކުން ބައިވެރިވެފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0