Read Time:3 Minute, 10 Second
ފޮޓޯ ކްރެޑިޓްސް: ރައްޔިތުންގެ މަޖިލިސް
ރައްޔިތުންގެ މަޖިލީހަށް މެންބަރުން އިންތިޚާބުވެވަޑައިގަންނަވާ ޕާޓީ ބަދަލުކުރައްވައިފިނަމަ، އެ މެންބަރެއްގެ ގޮނޑި ގެއްލޭ ގޮތަށް ޤާނޫނުއަސާސީއަށް އިޞްލާޙު ގެނައުމަށް މަޖިލީހަށް ހުށަހަޅާފައިވާ ބިލް ފާސްކުރުމަށް މިއަދު ހަވީރު 5:30 ގައި ޖަލްސާއެއް ބޭއްވުމަށް ތާވަލުކޮށްފިއެވެ.
މި ބިލަށް މިއަދު ހެނދުނު މަޖިލީހުގައި ބަހުސްކުރެވި، ބިލް ބަލައިގަތުމަށް ވޯޓަށް އެހުމުން، ފެންނަ ކަމަށް 69 މެންބަރުން ވޯޓުދެއްވާފައިވާއިރު، ނުފެންނަ ކަމަށް 12 މެންބަރުން ވޯޓުދެއްވިއެވެ. އޭގެފަހުން ބިލާ ގުޅޭ ދިރާސާތައް ކުރުމަށް މަޖިލީހުގެ މުޅި ކޮމިޓީއަށް ފޮނުވައި، އެ ކޮމިޓީގެ ބައްދަލުވުންތައް ވަނީ ފެށިފައެވެ.
މިއަދުގެ ހަވީރުގެ ޖަލްސާގެ އެޖެންޑާގައި ހިމެނެނީ:
1. ބިލް ކޮމިޓީން ދިރާސާކޮށް ނިންމި ގޮތުގެ ރިޕޯޓް ހުށަހެޅުން
2. ދުވަހުގެ މަސައްކަތްތަކުގެ ތެރެއިން ނިންމާ ހިސާބަށް ގޮސްފައިވާފައިވާ ކަންކަމަށް ވޯޓަށް އެހުން
މި ބިލުގައި ޤާނޫނުއަސާސީއަށް މައިގަނޑު ހަތަރު އިޞްލާޙެއް ހުށަހަޅާފައިވެއެވެ:
1. ރާއްޖޭގެ ސަރަޙައްދަށް ބަދަލެއް ގެނައުމުގެ ކުރިން މަޖިލީހުގެ ތިންބައިކުޅަ ދެބައިގެ ރުހުން ހޯދުން
2. މަޖިލިސް މެންބަރުންގެ ގޮނޑި ގެއްލޭނެ އާ ދެ ޙާލަތު އިތުރުކުރުން
3. ރައީސުލްޖުމްހޫރިއްޔާއަށް އިތުރު ބާރުތަކެއް ދިނުން
4. ބޭރުގެ ސިފައިންނާ ގުޅޭ ކަންކަމުގައި އައު އުސޫލުތަކެއް ކަނޑައެޅުން
މި ބިލް ފާސްވެއްޖެނަމަ، ރާއްޖޭގެ ސިޔާސީ މަޝްރަޙަށް ބޮޑެތި ބަދަލުތަކެއް އަތުވެދާނެ ކަމަށް ބެލެވެއެވެ. ޚާއްޞަކޮށް މަޖިލިސް މެންބަރުންގެ ޕާޓީ ބަދަލުކުރުމާ ގުޅޭ މާއްދާއިން، މެންބަރުންގެ ހަރަކާތްތަކަށް ބޮޑު ބަދަލެއް އަތުވެދާނެ ކަމަށް ލަފާކުރެވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0