Read Time:2 Minute, 24 Second
(ފޮޓޯ ކްރެޑިޓްސް: ޒުވާން މަސްވެރިޔާ)
މަސް ދޯނިފަހަރުގައި ލޮނުފެނުން މަސް ފިނިކުރާ ނިޒާމު (އާރުއެސްޑަބްލިއު) ގާއިމްކުރުމަށް ސަރުކާރުން މިހާތަނަށް 51 މިލިއަން ރުފިޔާގެ ލޯނު ދޫކޮށްފިއެވެ. މަސްވެރިކަމާ ބެހޭ ވުޒާރާއިން ހާމަކުރި ގޮތުގައި، މި މަޝްރޫޢުގެ ދަށުން 90 ފަރާތަކުން ލޯނަށް އެދިފައިވާއިރު، އޭގެ ތެރެއިން 45 ފަރާތެއްގެ ލޯނު ވަނީ ފާސްކޮށްފައެވެ. މި ލޯނު ދޫކުރުމުގެ މައިގަނޑު މަޤްޞަދަކީ އައިސް ހޯދުމަށް މަސްވެރިން ކުރާ ހޭދަ ކުޑަކުރުމާއި، މަސް ގިނަވަގުތު ތާޒާކަންމަތީ ބެހެއްޓުމަށް މަގުފަހިކޮށްދިނުމެވެ. މީގެ އިތުރުން، އައިސް ހޯދުމަށް ދަތުރުކުރަންޖެހޭ ވަގުތު ސަލާމަތްވުމުން ތެލަށް ކުރާ ހޭދަވެސް ވަރަށް ބޮޑަށް ކުޑަވެގެންދާނެއެވެ.
އެސްޑީއެފްސީ މެދުވެރިކޮށް ދޫކުރާ މި ލޯނަކީ އެއްލައްކަ އާއި ދެ މިލިއަން ރުފިޔާއާ ދެމެދުގެ އަދަދުތަކުން ރަހުނަކާ ނުލައި ލިބޭ ލުއި ލޯނެކެވެ. މިހާރު މި ލޯނަށް އެދޭއިރު ބަލާ ކްރެޑިޓް ހިސްޓްރީގެ މުއްދަތު ވަނީ އެއް އަހަރުން ތިން މަސްދުވަހަށް ކުރުކޮށްފައެވެ. އަދި އާރުއެސްޑަބްލިއު ސިސްޓަމްގެ އިތުރުން ސޯލާ ނިޒާމާއި ޖެނެރޭޓަރު ގަތުމަށްވެސް މި ލޯނުގެ ދަށުން ފުރުޞަތު ލިބެއެވެ. ލޯނު އަނބުރާ ދެއްކުމަށް 6 މަސްދުވަހުގެ ގްރޭސް ޕީރިއަޑަކާއެކު ޖުމްލަ 10 އަހަރުގެ މުއްދަތެއް ލިބޭނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0