Read Time:1 Minute, 48 Second
(ފޮޓޯ ކްރެޑިޓްސް: ވަގުތު)
ފޯޅަވަހި މައްސަލައިގައި ކުރީގެ ރައީސް އިބްރާހިމް މުހައްމަދު ސޯލިހް، މޮރިޝަސްގެ ސަރުކާރަށް ސިއްރު ސިޓީއެއް ފޮނުއްވުމަކީ ގާނޫނުއަސާސީއާ ހިލާފު، ގައުމަށް ވެވުނު އެންމެ މަތީ ހިޔާނާތް ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ. ޕީއެންސީގެ ޖަލްސާއެއްގައި ވާހަކަދައްކަވަމުން ރައީސް ވިދާޅުވީ، ރާއްޖޭގެ ކަނޑުން ބައެއް ގެއްލޭ ގޮތަށް އިޓްލޮސްއަށް މައްސަލަ ހުށަހެޅީ ކުރީ ސަރުކާރުން އިސްނަގައިގެން، ރައްޔިތުންގެ މަޖިލީހުގެ ލަފާވެސް ނުހޯދައި ކަމަށެވެ. މި މައްސަލައިގައި ދައުލަތުން 37 މިލިއަން ރުފިޔާ ހަރަދުކޮށް، ގައުމަށް ގެއްލުންވާނެ މަގެއް އިހްތިޔާރު ކުރުމަކީ ގައުމަށް ވީ ބޮޑު ގައްދާރުވުމެއްގެ ގޮތުގައި ރައީސް ސިފަކުރެއްވިއެވެ. އެހެންކަމުން، ސިޔާސީ ގޮތުން ފަތުރާ ދޮގު ވާހަކަތަކަށް ނުހެއްލި، ހަގީގަތާ މެދު ވިސްނައި ހޭލުންތެރިވުމަށް ރައީސް ރައްޔިތުންނަށް އިލްތިމާސްކުރެއްވިއެވެ.
Happy
0 %
Sad
0 %
Excited
0 %
Sleepy
100 %
Angry
0 %
Surprise
0 %
0
0