Read Time:1 Minute, 34 Second
(ފޮޓޯ ކްރެޑިޓްސް: ވަގުތު)
އެކި ސަބަބުތަކާހުރެ އުމްރާއަށް ނުފުރި ތިބި 164 މީހަކު، ސަރުކާރުގެ އެހީތެރިކަމާއެކު ރޭ ފުރައިފި ކަމަށް އިސްލާމީ ކަންތައްތަކާ ބެހޭ ވަޒީރު ޑރ. މުހައްމަދު ޝަހީމް އަލީ ސައީދު ވަނީ ވިދާޅުވެފައެވެ. މި މީހުންނަކީ އަމިއްލަ ގްރޫޕަކުން އުމްރާއަށް ގެންދިއުމަށް ހަމަޖެއްސުމަށްފަހު ފަހުވަގުތު ދަތުރު ކެންސަލްވުމުން ދަތިތަކާ ކުރިމަތިވި ފަރާތްތަކެކެވެ. މި މީހުން ފުރުވާލާފައިވަނީ ހައްޖު ކޯޕަރޭޝަނުން މޯލްޑިވިއަންގެ ފްލައިޓެއް ޗާޓަރުކޮށްގެން ކަމަށާއި، މައްކާގެ އިންތިޒާމުތައް ވެސް މިހާރު ހަމަޖެހިފައިވާ ކަމަށް ވަޒީރު ވިދާޅުވިއެވެ. މި މައްސަލަ ހައްލުކުރުމަށް ރައީސުލްޖުމްހޫރިއްޔާ ދެއްވި އަހައްމިއްޔަތަށްޓަކައި ވަޒީރު ވަނީ އެމަނިކުފާނަށާއި ކަމާގުޅޭ މުއައްސަސާތަކަށް ޝުކުރު އަދާކުރައްވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0