Read Time:2 Minute, 5 Second
(ފޮޓޯ ކްރެޑިޓްސް: ވަގުތު)
ރިޔާސީ އިންތިހާބާއި ރައްޔިތުންގެ މަޖިލިސް އިންތިހާބު އެއް ދުވަހެއްގައި ބޭއްވުމަކީ ގައުމުގެ ހަމަޖެހުމަށާއި ތަރައްގީއަށް ކޮންމެހެން މުހިންމު ކަމެއް ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ. ރައީސް ފާހަގަކުރެއްވި ގޮތުގައި ދެ އިންތިހާބު ދޭތެރޭ އޮންނަ ހަ މަސް ދުވަހަކީ ސިޔާސީ ހަލަބޮލިކަން އުފެދި، ސަރުކާރުގެ މަސައްކަތްތަކަށް ހުރަސްއެޅޭ ދުވަސްވަރެކެވެ. މީގެ އިތުރުން، އިދިކޮޅު މެޖޯރިޓީ އޮންނަ މަޖިލީހަކުން ފާސްކުރާ ބަޖެޓެއްގެ ސަބަބުން އައު ސަރުކާރަށް ފުރަތަމަ އަހަރު މަސައްކަތް ކުރުމުގައި ދަތިތަކާ ކުރިމަތިވާކަން 2024 ވަނަ އަހަރުގެ ތަޖުރިބާއިން އެނގޭ ކަމަށް އެމަނިކުފާނު ވިދާޅުވިއެވެ. ރައްޔިތުން ހަވާލުކުރާ ފަސް އަހަރުގެ ދައުރު ފުރިހަމައަށް ބޭނުންކޮށް، މެނިފެސްޓޯ ތަންފީޒު ކުރުމަށްޓަކައި ދެ އިންތިހާބު އެއްކޮށްލުމަކީ އެންމެ އިންސާފުވެރި ގޮތް ކަމަށް ރައީސް ވިދާޅުވިއެވެ. އަންނަ އޭޕްރީލް މަހު ބާއްވާ އިންތިހާބުގައި، ދެ އިންތިހާބު އެއްކޮށްލުމާ މެދު ރައްޔިތުންގެ ފެންނަ ނުފެންނަ ވޯޓެއް ނެގުމަށް ވަނީ ހަމަޖެހިފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0