Read Time:2 Minute, 46 Second
ސްޕެނިޝް ލީގުގެ ޓީމުތަކުން އަންނަ މަހުގެ ކުރީކޮޅު ކުޅޭ މެޗުތަކުގައި ކުރީގެ ޖާޒީތައް ބޭނުން ކުރަން ނިންމައިފި އެވެ. ލީގުން ނިންމާފައިވަނީ އޭޕްރީލް މަހުގެ 10 އާއި 13 ވަނަ ދުވަހާ ދެމެދު ކުޅޭ މެޗުތަކުގައި ކޮންމެ ޓީމަކުން އެ ޓީމެއްގެ އިހުގެ ޖާޒީއެއް މެޗުގައި ބޭނުން ކުރުމަށެވެ. އަދި މި ގޮތުން ޓީމުތަކުން ބޭނުންކުރާ ޖާޒީތައް ސްޕޭނުގެ ވެރިރަށް މެޑްރިޑްގެ ނީލަމެއްގައި ވިއްކަން ބެހެއްޓުމަށެވެ. ސްޕެނިޝް ލީގުގެ އިތުރުން ސްޕޭނުގެ އެކި ޑިވިޝަންތަކުގައި ވެސް މި ގޮތަށް އަމަލު ކުރާނެ އެވެ. ސްޕެނިޝް ލީގުން ބުނީ މިއީ ލީގުގެ ސަގާފަތާއި ތާރީހް ދިރިވުމުގެ ގޮތުން ކުރާ ކަމެއް ކަމަށާއި މީގެ ސަބަބުން ސްޕެނިޝް ލީގުގެ ތާރީހާއި ޓީމުތަކާއި ސަޕޯޓަރުންނަށް އެ މީހުންގެ ކުރީގެ ހަނދާންތައް އާވެގެންދާނެ ކަމަށެވެ. އަދި މިއީ ފުޓްބޯޅައިގެ އިތުރު މާކެޓެއް ކަމަށާއި މީގެ ސަބަބުން ރަނގަޅު ބަދަލުތަކެއް އަންނާނެ ކަމަށެވެ.
ނަމަވެސް މި ނީލަމުގައި ސްޕެނިޝް ލީގުގެ ބައެއް ކުލަބުތަކުން ބައިވެރިވާނެކަން އަދި މުޅިން ޔަގީނެއްނޫނެވެ. އޭގެ ތެރޭގައި އެންމެ ވަރުގަދަ އެއް ކުލަބު ކަމަށްވާ ރެއާލް މެޑްރިޑާއި އާއި ގެޓަފޭ އާއި ވިޔަރެއާލް ވެސް ހިމެނެ އެވެ. ނަމަވެސް އެތްލެޓިކޯ މެޑްރިޑާއި އެންމެ ފަހުގެ ޗެމްޕިއަން ބާސެލޯނާ މި ހަރަކާތުގައި ބައިވެރިވާނެ އެވެ. ސްޕެނިޝް ލީގަކީ ދުނިޔޭގެ އެންމެ ގިނަ ބަޔަކު ބަލާ އަދި އެންމެ މަޝްހޫރު އެއް ލީގެވެ. މިހެންވެ ލީގު އިތުރަށް މާކެޓް ކުރުމަށް ދަނީ ގިނަ މަސައްކަތްތަކެއް ކުރަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0