Read Time:2 Minute, 54 Second
އިނގިރޭސި ޕްރިމިއާ ލީގުގެ ތާވަލުގެ ފުލުގައި އޮތް ވޮލްވްސް އާއި ދެކޮޅަށް ލިވަޕޫލް ރޭ ކުޅުނު މެޗުން 2-1 ގެ ނަތީޖާއަކުން ލިވަޕޫލް ބަލިވެއްޖެ އެވެ. ޕްރިމިއާ ލީގުގެ އެންމެ ފަހުގެ ޗެމްޕިއަން ލިވަޕޫލް އިން ރަށުން ބޭރުގައި ކުޅުނު މި މެޗުގައި އެ ޓީމުން ގިނައިރު ބޯޅަ ހިފަހައްޓައިގެން ކުޅެ އިދިކޮޅު ޓީމުގެ ގޯލަށް ނުރައްކާތެރި ހަމަލަތަކެއް ފޮނުވާލި ނަމަވެސް އޭގެ ބޭނުން އެންމެ އެދެވޭ ގޮތުގައި ހިފޭ ގޮތް ވަނީ ނުވެފަ އެވެ. މެޗުގެ ފުރަތަމަ ހާފުގައި އެއްވެސް ޓީމަކަށް ލަނޑެއް ކާމިޔާބު ކުރެވިފައިނުވި ނަމަވެސް މެޗުގެ 78 ވަނަ މިނިޓުގައި ވޮލްވްސްގެ ރޮޑްރިގޯ ގޯމޭޒް ވަނީ ލަނޑެއް ޖަހާ އެ ޓީމަށް ކުރި ހޯދަދީފަ އެވެ.
ނަމަވެސް އޭގެ 5 މިނިޓު ފަހުން ލިވަޕޫލްގެ މުހައްމަދު ސަލާ ވަނީ ލަނޑެއް ޖަހާ މެޗުގެ ނަތީޖާ އެއްވަރުކޮށްފަ އެވެ. މި މެޗުން ވޮލްވްސް މޮޅުވި ލަނޑު މެޗުގެ އިންޖަރީ ވަގުތުގެ ހަތަރުވަނަ މިނިޓުގައި ވޮލްވްސް އަށް ކާމިޔާބު ކޮށްދީފައިވަނީ އެންޑްރޭ އެވެ. މިއީ މި ސީޒަނުގެ ޕްރިމިއާ ލީގުގައި ވޮލްވްސް މޮޅުވި ތިންވަނަ މެޗެވެ. އެ ޓީމުން ވަނީ ލީގުގައި އެންމެ ފަހުން ކުޅުނު މެޗުން ވެސް މޮޅުވެފަ އެވެ. ލީގުގައި މިހާތަނަށް ކުޅުނު 29 މެޗުން ލިވަޕޫލް އަށް ލިބިފައިވާ 48 ޕޮއިންޓާއެކު އެ ޓީމު އޮތީ ތާވަލުގެ ފަސްވަނައިގަ އެވެ. ވޮލްވްސް އަށް 30 މެޗުން ލިބިފައިވާ 16 ޕޮއިންޓާއެކު އެ ޓީމު އޮތީ ތާވަލުގެ ފުލުގަ އެވެ.
މެޗުގެ ފަހު ވަގުތު ވޮލްވްސް އިން ޖެހި ލަނޑުން ލިވަޕޫލްގެ މައްޗަށް ކުރި ހޯދާފައިވާއިރު މިއީ މި ސީޒަނުގައި އިންޖަރީ ވަގުތުގައި ލިވަޕޫލް ބަލިވި ފަސްވަނަ މެޗެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0