Read Time:2 Minute, 5 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ޖަރުމަނުވިލާތުގައި ބާއްވާ ދުނިޔޭގެ އެންމެ ބޮޑު އެއް ފަތުރުވެރިކަމުގެ ފެއަރ ކަމަށްވާ “އައިޓީބީ ބާލިން” ގައި ބައިވެރިވުމަށް ވިޒިޓް މޯލްޑިވްސްއިން އެންމެ ފަހުގެ ތައްޔާރީތައް ވަމުން އެބަދެއެވެ. މި މަހުގެ 3 އިން 5 އަށް ކުރިއަށްދާ މި ފެއަރގައި ރާއްޖޭގެ ފަތުރުވެރިކަމުގެ ދާއިރާގައި ހަރަކާތްތެރިވާ 63 ކުންފުންޏަކުން ބައިވެރިވާއިރު، ރާއްޖޭގެ ސްޓޭންޑްގެ މަސައްކަތްތައް މިހާރު ވަނީ ނިމުމަކާ ގާތްވެފައެވެ. ދަތުރުފަތުރުގެ ދަތިތަކާހުރެ ބައެއް ފަރާތްތަކަށް ޖަރުމަނަށް ދިއުމުގައި ގޮންޖެހުންތަކެއް ކުރިމަތިވި ނަމަވެސް، ފެއަރގެ ތެރޭގައި ބީޓުބީ މީޓިންތަކާއި، “މޯލްޑިވިއަން ނައިޓް” އަދި ނޫސްވެރިންގެ ބައްދަލުވުން ފަދަ މުހިންމު ހަރަކާތްތައް ބޭއްވުމަށް ވަނީ ރޭވިފައެވެ. ޖަރުމަނަކީ ރާއްޖެއަށް ފަސްވަނައަށް އެންމެ ގިނައިން ފަތުރުވެރިން އަންނަ މާކެޓަށް ވާއިރު، މި ފެއަރގެ ސަބަބުން ޖަރުމަނާއި ޔޫރަޕްގެ މާކެޓުން ރާއްޖެއަށް އަންނަ ފަތުރުވެރިން އިތުރުވެ، ފަތުރުވެރިކަމަށް ބޮޑު ކުރިއެރުމެއް ލިބޭނެ ކަމަށް ސަރުކާރުން އުންމީދު ކުރެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0