Read Time:2 Minute, 23 Second
(ފޮޓޯ ކްރެޑިޓްސް: ރައީސް އޮފީސް)
ރާއްޖޭގެ އިޤްތިޞާދުގައި ކުދި އަދި މެދުފަންތީގެ ވިޔަފާރިތަކުގެ ދައުރު ފުޅާކުރުމަށް މި ސަރުކާރުން އަންނަނީ ގިނަ މަސައްކަތްތަކެއް ކުރަމުންނެވެ. އެގޮތުން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިޔަފާރިވެރިންނާ ބައްދަލުކުރައްވައި، އެފަރާތްތަކުގެ ކަންބޮޑުވުންތަކަށް ހައްލު ހޯއްދަވައިދެއްވުމުގެ ގޮތުން މުދަލުން ޑެމަރޭޖް ނުނަގާ ވަގުތު އިތުރުކޮށް، ކަސްޓަމްސްގެ ޚިދުމަތް 24 ގަޑިއިރަށް ބަދަލުކުރައްވާފައިވެއެވެ. މީގެ އިތުރުން މުދާ ޑިކްލެއަރ ކުރުމުގެ ނިޒާމަށް ލުއިތަކެއް ގެނައުމާއި، ރާއްޖޭގެ ތިން ސަރަހައްދެއްގައި ސްޓޯރޭޖް ފެސިލިޓީ ޤާއިމްކުރުމަށް ވަނީ ނިންމާފައެވެ.
ކްރިއޭޓިވް އިކޮނޮމީއެއް ބިނާކުރުމަށާއި ދިވެހި އުފެއްދުންތައް ބައިނަލްއަޤްވާމީ ބާޒާރަށް ނެރުމަށްޓަކައި އަލީބާބާ ފަދަ ޕްލެޓްފޯމްތަކުގެ ފުރުސަތު ހުޅުވާލައި، ޕޭޕަލް ފަދަ މާލީ ޚިދުމަތްތައް ހޯދުމަށް ސަރުކާރުން ދަނީ މަސައްކަތް ކުރަމުންނެވެ. އަދި ބީއެމްއެލްގެ “ސްވައިޕް” ޑިޖިޓަލް ވޮލެޓާއެކު ފިންޓެކް ދާއިރާ ކުރިއެރުވުމަށް މަގުފަހިވެގެންދާނެއެވެ. މިއަހަރުގެ ތެރޭގައި ކުދި އަދި މެދުފަންތީގެ ވިޔަފާރިތަކަށް 500 މިލިޔަން ރުފިޔާގެ ލޯނު ދޫކުރުމަށް ސަރުކާރުން ވަނީ އަމާޒު ހިފާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0