Read Time:2 Minute, 5 Second
(ފޮޓޯ ކްރެޑިޓްސް: ޕީއެސްއެމް ނިއުސް)
މެދުއިރުމަތީގެ މަސްރަޙު ހޫނުވުމާ ގުޅިގެން ރާއްޖޭގެ ފަތުރުވެރިކަމަށް ކުރާނެ ނޭދެވޭ އަސަރުތައް ކުޑަކުރުމަށް ސަރުކާރުން ދަނީ ޚާއްޞަ މަސައްކަތްތަކެއް ކުރަމުންނެވެ. މިކަމާ ގުޅޭގޮތުން ފަތުރުވެރިކަމާ ބެހޭ ވަޒީރު ޠާރިޤު އިބްރާހީމް ވިދާޅުވީ، ރާއްޖެއަށް އަންނަ ފަތުރުވެރިންގެ ގާތްގަނޑަކަށް 35 އިންސައްތައަކީ މެދުއިރުމަތީގެ މަގުން ދަތުރުކުރާ ފަރާތްތަކަށް ވުމާއެކު، އެ ސަރަޙައްދުގެ ވައިގެ ދަތުރުފަތުރަށް ބުރުއެރުމުން އޭގެ ސީދާ އަސަރު ރާއްޖެއަށް ކުރާނެ ކަމަށެވެ. މި ގެއްލުންތައް ފޫބެއްދުމަށްޓަކައި މެދުއިރުމައްޗަށް މަޑުނުކޮށް ސީދާ ރާއްޖެއަށް ދަތުރުކުރާ ފްލައިޓުތައް އިތުރުކުރުމަށް ސަރުކާރުން ދަނީ މަސައްކަތް ކުރަމުންނެވެ. ޚާއްޞަކޮށް ޗައިނާ، އިންޑިއާ އަދި ޔޫރަޕްގެ މާކެޓުތަކުން ސީދާ ދަތުރުތައް އިތުރުކުރުމަށް އިސްކަންދޭއިރު، ދަތުރުފަތުރުގެ ދަތިތަކާހުރެ ރާއްޖޭގައި ތާށިވެފައިވާ ފަތުރުވެރިންނަށް އެހީތެރިކަން ފޯރުކޮށްދިނުމުގެ މަސައްކަތްވެސް އެއާލައިންތަކާ ގުޅިގެން ކުރިއަށްދާކަން ވަޒީރު ފާހަގަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0