Read Time:2 Minute, 40 Second
ޗާގޯސްގެ މިލްކުވެރިކަމާ މެދު އުފެދިފައިވާ ހިލާފުތަކާ ގުޅިގެން މޮރިޝަސްއިން ރާއްޖެއާއެކު އޮތް ހާރިޖީ ގުޅުންތައް ސަސްޕެންޑްކޮށްފިއެވެ. މޮރިޝަސްގެ މި ނިންމުމަކީ ޗާގޯސްގެ ސިޔާދަތީ ބާރު އެގައުމަށް އޮތްކަން ގަބޫލުކުރަން ރާއްޖެއިން ދެކޮޅުހަދައި، އިނގިރޭސިވިލާތުން އެތަން މޮރިޝަސްއާ ހަވާލުކުރަން އުޅޭ އުޅުމަށް ރާއްޖެއިން އިއުތިރާޒުކުރުމާ ގުޅިގެން ނިންމި ނިންމުމެކެވެ.
ރައީސް ޑރ. މުހައްމަދު މުއިއްޒު ވިދާޅުވަމުން ގެންދަވަނީ ޗާގޯސް ނުވަތަ ފޯޅަވައްސަކީ ތާރީހީ ގޮތުން ރާއްޖޭގެ ތަނެއް ކަމަށާއި، އެތަން އެހެން ބަޔަކާ ހަވާލުކުރާނަމަ ހަވާލުކުރަންޖެހޭނީ ހައްގުވެރި ގައުމު ކަމަށްވާ ރާއްޖެއާ ކަމަށެވެ. މިކަމާ ގުޅިގެން ދިވެހި ސަރުކާރުން ވަނީ އިނގިރޭސި ސަރުކާރަށް ރަސްމީކޮށް ސިޓީ ފޮނުވައި، މަޝްވަރާކުރުމަށް އެދިފައެވެ. އަދި ކުރީގެ ސަރުކާރުން މޮރިޝަސްއަށް ތާއީދުކޮށް ފޮނުވި ސިޓީ އަނބުރާ ގެނެސް، ރާއްޖޭގެ ކަނޑުގެ ސަރަހައްދު އިއާދަކުރުމުގެ މަސައްކަތް މި ސަރުކާރުން ވަނީ ފަށާފައެވެ.
މި މައްސަލައިގައި އިނގިރޭސި ވިލާތުގެ ބައެއް ސިޔާސީ ބޭފުޅުންވެސް ރާއްޖެއަށް ތާއީދުކުރައްވައި ވާހަކަދައްކަވާފައިވެއެވެ. ޗާގޯސްގެ މިލްކުވެރިކަމާ ބެހޭގޮތުން ބައިނަލްއަގުވާމީ ކޯޓުތަކުން މޮރިޝަސްއާ އެއްކޮޅަށް މީގެ ކުރިން ނިންމުންތަކެއް ނިންމާފައިވީ ނަމަވެސް، ރާއްޖެއިން ދަނީ އެ ސަރަހައްދުގެ ސިޔާދަތީ ބާރު ހޯދުމަށް ވަކާލާތު ކުރަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0