Read Time:1 Minute, 58 Second
ހޯމް މިނިސްޓަރު އަލީ އިހުސާންގެ އަނބިކަނބަލުންނާއި ދަރިފުޅު މަގުމަތިން ދަނިކޮށް ވީޑިއޯކުރި ކަމުގެ ތުހުމަތު އެމްޑީޕީގެ އިސް ދެ ބޭފުޅުން ކަމަށްވާ އަކްރަމް ކަމާލުއްދީނާއި އިބްރާހިމް ވަހީދުގެ މައްޗަށް މިނިސްޓަރު ކުރައްވައިފިއެވެ. ސީސީޓީވީ ފުޓޭޖަކާއެކު މިނިސްޓަރު ކުރެއްވި ޕޯސްޓެއްގައި ވިދާޅުވީ، އެ ދެ ބޭފުޅުން އިއްޔެ ހަވީރު އޭނާގެ އާއިލާ ވީޑިއޯކުރުމަށްފަހު، ކާކުކަން ނޭނގޭ އެކައުންޓަކުން އެ ވީޑިއޯ އާންމުކޮށްފައިވާ ކަމަށެވެ. މި އަމަލަކީ އަންހެނުންނާއި ކުޑަކުދިންގެ ހައްގުތަކަށް ވަކާލާތުކުރާ ކަމަށް ބުނާ ބަޔަކު ހިންގި ދަށު ދަރަޖައިގެ އަމަލެއްގެ ގޮތުގައި މިނިސްޓަރު ސިފަކުރެއްވިއެވެ. އާންމުކުރި ފުޓޭޖުން އެ ދެ ބޭފުޅުން ފޯނުން ކަންތައްތަކެއް ކުރާ މަންޒަރު ފެނުނު ނަމަވެސް، ވީޑިއޯ ކުރަނީ ކޮން އެއްޗެއްކަން ސާފެއް ނުވެއެވެ. އާންމުވި ވީޑިއޯގައި ފާޑުކިޔާފައިވަނީ މިނިސްޓަރުގެ އާއިލާ ބޮޑީގާޑުންނާއެކު ބޭރުގައި އުޅޭ މައްސަލައަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0