Read Time:2 Minute, 20 Second
(ފޮޓޯ ކްރެޑިޓްސް: އެމްއޭސީއެލް)
ހުޅުމާލޭ ފޭސް ތިނެއްގައި އަތްފޯރާފަށުގެ 1،000 ހައުސިން ޔުނިޓް ތަރައްގީކުރުމަށް، ސައްތައަކުން ސައްތަ ދިވެހި ކުންފުނިތަކަށް ޕްރޮޕޯސަލް ހުށަހެޅުމުގެ ފުރުސަތު ގެދޮރުވެރިކަމާ ބެހޭ ވުޒާރާއިން މިއަދު ވަނީ ހުޅުވާލައިފައެވެ. ޑިޒައިން އެންޑް ބިލްޑް އުސޫލުން ކުރިއަށްގެންދާ މި މަޝްރޫއަކީ ރައްޔިތުންގެ ދިރިއުޅުމުގެ ފެންވަރު މަތިކުރުމަށާއި، ބޯހިޔާވަހިކަން ފޯރުކޮށްދިނުމުގައި އަމިއްލަ ފަރާތްތަކުގެ ބައިވެރިވުން އިތުރުކުރުމަށް ސަރުކާރުން ކުރިއަށްގެންދާ މަސައްކަތެކެވެ. މި މަޝްރޫއަށް ކުރިމަތިލުމުގެ ސުންގަޑިއަކީ 23 މާރިޗް 2026 ކަމަށްވާއިރު، މިއީ ވަޒީރުންގެ މަޖިލީހުން ފާސްކޮށްފައިވާ “ނެޝަނަލް ހައުސިން އެފޯޑަބިލިޓީ އެންޑް އެކްސެސިބިލިޓީ” މަޝްރޫއުގެ ބައެކެވެ. މި މަޝްރޫއުގެ ދަށުން ޑިވެލޮޕަރުންނަށް ލުއިތައް ދިނުމާއި، ބޭންކުތަކާ ގުޅިގެން ހާއްސަ މޯގޭޖް ސްކީމްތައް ތައާރަފްކުރުމާއި، ލީޒް-ޓު-އޯން މޮޑެލްގެ ދަށުން ޔުނިޓްތައް މިލްކުކުރެވޭނެ އިންތިޒާމުތައް ހަމަޖެއްސުމަށް ވަނީ ނިންމާފައެވެ. އަދި މި މަސައްކަތަށް ބޭނުންވާ ގާނޫނީ ބާރުވެރިކަން ހޯދުމަށްޓަކައި ބޯހިޔާވަހިކަމުގެ ބިލަށް އިސްލާހު ގެނައުމަށްވެސް ސަރުކާރުން ވަނީ ނިންމަވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0