Read Time:2 Minute, 34 Second
ވޭތުވެދިޔަ ދެ އަހަރަކީ ލާމަރުކަޒީ ނިޒާމު ހަރުދަނާކޮށް، ކައުންސިލްތަކަށް ބާރުވެރިކަން ހޯދައިދިނުމަށް ބޮޑެތި މަސައްކަތްތަކެއް ކުރެވުނު ދުވަސްތަކެއް ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ. ލާމަރުކަޒީ ދުވަހުގެ މުނާސަބަތުގައި ރައީސް ފާހަގަކުރެއްވި ގޮތުގައި، ކައުންސިލްތަކަށް އާމްދަނީ ލިބޭނެ މަގުތައް ފަހިކޮށްދިނުމާއި، އަންހެނުންގެ ތަރައްގީއަށް މަސައްކަތްކުރާ ކޮމިޓީތަކުގެ ދައުރު ފުޅާކުރުމުގެ އިތުރުން، ކައުންސިލް މުވައްޒަފުންގެ މުސާރަ ބޮޑުކުރުން ފަދަ މުހިންމު ކަންކަން މިހާރު ވަނީ ހަގީގަތަކަށް ހަދައިދީފައެވެ.
ރަށްރަށުގައި އަސާސީ ހިދުމަތްތައް ގާއިމުކުރުމުގެ ގޮތުން، ހުރިހާ ރަށެއްގައި ފުލުހުންގެ ހިދުމަތާއި އޭޓީއެމް ގާއިމުކުރުމާއި، އަތޮޅުތަކުން އައިޑީ ކާޑާއި ޕާސްޕޯޓުގެ ހިދުމަތް ލިބޭނެ ގޮތް ހަމަޖެއްސުމަކީ ލިބުނު ބޮޑު ކުރިއެރުމެއްކަން ރައީސް ފާހަގަކުރެއްވިއެވެ. މީގެ އިތުރުން، ރަށްރަށުގެ މަގުހެދުމާއި، ބަނދަރު ހެދުމާއި، ފެނާއި ނަރުދަމާގެ މަޝްރޫއުތައް ބާރުމިނުގައި ކުރިއަށްދާ ކަމަށާއި، އިޖުތިމާއީ މައްސަލަތައް ހައްލުކުރުމަށް ވެސް ހާއްސަ އިސްކަމެއް ދެއްވާ ކަމަށް ވިދާޅުވިއެވެ. ރައީސްގެ އުންމީދަކީ ކުރިއަށް އޮތް ކައުންސިލް އިންތިހާބާ އެކު، ސަރުކާރާއި ކައުންސިލްތައް ގުޅިގެން ރައްޔިތުންގެ އުންމީދުތައް އިތުރަށް ހަގީގަތަކަށް ވެގެންދިޔުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0