Read Time:2 Minute, 56 Second
ލާމަރުކަޒީ ދުވަހުގެ މުނާސަބަތުގައި ރައީސުލްޖުމްހޫރިއްޔާ ފޮނުއްވި ޚިޠާބުގައި، ރާއްޖެއަކީ ޒަމާނުއްސުރެ ލާމަރުކަޒީ އުސޫލުން ޚިދުމަތްދެމުން އައި ގައުމެއްކަން ފާހަގަކުރައްވައި، މި ނިޒާމު އިތުރަށް ހަރުދަނާކުރުމަށް ސަރުކާރުން ކުރަމުންދާ މަސައްކަތްތައް ބަޔާންކޮށްދެއްވިއެވެ. އެގޮތުން ވޭތުވެދިޔަ ދެ އަހަރު ތެރޭގައި ކައުންސިލްތަކުގެ އާމްދަނީ އިތުރުކުރުމާއި، މުވައްޒަފުންގެ މުސާރަ ބޮޑުކުރުމާއި، އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކަށް ބާރުވެރިކަން ހޯދައިދިނުމުގެ އިތުރުން، ރަށްރަށުގައި އައު ކައުންސިލް އިދާރާތައް ބިނާކުރުމުގެ މަސައްކަތް ފަށާފައިވާކަން އެމަނިކުފާނު ފާހަގަކުރެއްވިއެވެ.
މީގެއިތުރުން، ރަށްރަށުގެ އަސާސީ ޚިދުމަތްތައް ކަމަށްވާ ފެނާއި ނަރުދަމާ، ޞިއްޙީ އަދި ތަޢުލީމީ ޚިދުމަތްތައް ފުޅާކުރުމާއި، އަތޮޅުތަކުން އައިޑީކާޑާއި ޕާސްޕޯޓު ލިބޭނެ އިންތިޒާމު ހަމަޖެއްސުން ފަދަ މުހިންމު ކަންކަން ހަގީގަތަކަށް ވެފައިވާކަމަށް ރައީސް ވިދާޅުވިއެވެ. އަދި ގައުމީ ތަރައްޤީގެ ތަޞައްވުރު އެކުލަވައިލުމުގައި ރައްޔިތުންގެ ޚިޔާލު ހޯދާފައިވާކަމަށާއި، މަސްތުވާތަކެއްޗާއި ބިދޭސީންގެ މައްސަލަތަކަށް ދާއިމީ ހައްލެއް ހޯދުމަށް މަސައްކަތް ކުރަމުންދާކަންވެސް ފާހަގަކުރެއްވިއެވެ. ރައީސުލްޖުމްހޫރިއްޔާގެ އުންމީދަކީ ކުރިއަށް އޮތް ލޯކަލް ކައުންސިލް އިންތިޚާބާއެކު، ކައުންސިލްތަކާއި ސަރުކާރު ގުޅިގެން ރައްޔިތުންގެ އުންމީދުތައް ހާސިލްކޮށްދިނުމުގައި ކައުންސިލްތަކުގެ ދައުރު މިހާރަށްވުރެ ވަރުގަދަވެގެން ދިއުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0