Read Time:2 Minute, 9 Second
(ފޮޓޯ ކްރެޑިޓްސް: ރައީސް އޮފީސް)
ރާއްޖޭގައި ކަރަންޓު އުފެއްދުމަށް ތެލަށް ކުރާ ބޮޑު ހޭދަ ކުޑަކުރުމަށްޓަކައި، އިޔާދަކުރަނިވި ހަކަތައިގެ ދާއިރާ ކުރިއެރުވުމަށް ސަރުކާރުން ދަނީ ގިނަ މަސައްކަތްތަކެއް ކުރަމުންނެވެ. ރައީސުލްޖުމްހޫރިއްޔާގެ އަމާޒަކީ 2028 ވަނަ އަހަރުގެ ނިޔަލަށް ރާއްޖޭގައި އުފައްދާ ހަކަތައިގެ 33 އިންސައްތައަކީ އިޔާދަކުރަނިވި ހަކަތައަށް ހެދުމެވެ. މި ސަރުކާރު ފެށުނުއިރު މި މިންވަރު ހުރީ އެންމެ 4 އިންސައްތައިގައި ނަމަވެސް، މިހާރު ވަނީ 110 މެގަވޮޓަށް އިތުރުކުރެވިފައެވެ. އަދި މި އަހަރު ނިމޭއިރު މި އަދަދު 220 މެގަވޮޓަށް އިތުރުކުރުމަށް ވަނީ ރޭވިފައެވެ.
މި އަމާޒަށް ވާޞިލުވުމަށްޓަކައި ސްޓެލްކޯ، ފެނަކަ އަދި އެމްޑަބްލިއުއެސްސީ ފަދަ ކުންފުނިތަކުން ދަނީ އަތޮޅުތަކުގެ ރަށްރަށުގައި އަވިން ހަކަތަ އުފައްދާ ނިޒާމުތައް ގާއިމުކުރަމުންނެވެ. މީގެ އިތުރުން، ވަޔާއި ކަނޑުގެ އޮއިވަރު ބޭނުންކޮށްގެން ހަކަތަ އުފެއްދުމުގެ ދިރާސާތައްވެސް ކުރިއަށްދެއެވެ. މި މަޝްރޫއުތަކުގެ ސަބަބުން ތެލަށް ބަރޯސާވާ މިންވަރު ކުޑަވެ، ބޭރު ފައިސާ ރާއްޖޭގައި ހިފެހެއްޓުމަށް ބޮޑު އެހީތެރިކަމެއް ލިބިގެންދާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0