Read Time:2 Minute, 9 Second
(ފޮޓޯ ކްރެޑިޓްސް: ޕީއެސްއެމް ނިއުސް)
މާތް ﷲ ވަޙީކުރައްވާފައިވާ ގޮތުގައި ނަމާދަކީ ހުތުރުކަންބޮޑު ފާފަތަކާއި މުންކަރާތްތަކުން އިންސާނާ ދުރުކޮށްދޭ އަޅުކަމެކެވެ. ނަމަވެސް، ނަމާދުކުރާ ބައެއް މީހުންގެ ކިބައިން ނުރަނގަޅު ޢަމަލުތައް ފެންނަނީ ނަމާދު ކުރަންވީ ފުރިހަމަ ގޮތުގައި ނުކުރެވޭތީއެވެ. ނަމާދުގައި ވަސްވާސްތަކުން ދުރުވެ، އޭގެ ފުރިހަމަ ނަތީޖާ ލިބޭނީ ރަސޫލުﷲ ޞައްލަﷲ ޢަލައިހި ވަސައްލަމަ ދަސްކޮށްދެއްވި ގޮތަށް، ނަމާދުގައި ކިޔާ ޛިކުރުތަކުގެ މާނަ ދަނެގެން خشوع ތެރޭގައި ނަމާދު ކުރުމުންނެވެ.
ޚާއްޞަކޮށް ނަމާދުގައި ތަކުރާރުކޮށް ކިޔާ “الله أكبر” (ﷲ އެންމެ މަތިވެރިއެވެ) މި ކަލިމައިގެ މާނައާމެދު ފުންކޮށް ވިސްނަންޖެހެއެވެ. ﷲ އީ އެންމެހައި ކަންކަމަށްވުރެ މަތިވެރި ފަރާތްކަން ހިތުގެ އަޑިން ޤަބޫލުކޮށް، އެކަލާނގެ ބައްލަވާވޮޑިގެންވާކަން ދަނެގެން ނަމާދުކުރާ މީހާ، ނަމާދުން ބޭރުގައިވެސް ފާފަތަކަށް އަރައިގަންނަން ޖެހިލުންވާނެއެވެ. އެހެންކަމުން، ނަމާދުގެ ކިޔެވުންތަކުގެ މުރާދު އެނގިގެން ނަމާދު ޤާއިމުކޮށްފިނަމަ، އޭގެ ސަބަބުން އިންސާނާގެ އަޚްލާޤު ސީދާވެ، މުޖުތަމަޢު އިޞްލާޙުވެގެންދާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0