Read Time:2 Minute, 12 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ރާއްޖޭގެ ރިޔާސީ އިންތިޚާބާއި ރައްޔިތުންގެ މަޖިލީހުގެ އިންތިޚާބު އެއްކޮށް ބޭއްވުމަށްޓަކައި ޤާނޫނަށް ގެންނަ އިޞްލާޙާ މެދު ރައްޔިތުންގެ މެދުގައި ފެންނަ ނުފެންނަ ވޯޓެއް ނެގުމަށް ރައީސުލްޖުމްހޫރިއްޔާ ވަނީ ނިންމަވާފައެވެ. މި ވޯޓު އޮންނާނީ އަންނަ އޭޕްރީލް މަހު ބާއްވާ ލޯކަލް ކައުންސިލް އިންތިޚާބާ އެކުގައެވެ. ދެ އިންތިޚާބު އެއްކޮށްލުމުގެ މައިގަނޑު ބޭނުމަކީ ދައުލަތުގެ ޚަރަދުތައް ކުޑަކުރުމާއި، ވެރިކަން ހިންގުމުގެ ނިޒާމު ހަރުދަނާކޮށް، ސިޔާސީ ހަމަޖެހުން ޤާއިމުކުރުމެވެ.
މި ބަދަލުގެ ސަބަބުން ރައްޔިތުންނަށް އެއް ފަހަރާ ދައުލަތުގެ ދެ ބާރު އިޚްތިޔާރުކުރުމުގެ ފުރުޞަތު ލިބި، ސަރުކާރުގެ ސިޔާސަތުތައް ތަންފީޛުކުރުމަށް މަގުފަހިވާނެއެވެ. ދުނިޔޭގެ ކުރިއަރާފައިވާ ގިނަ ޤައުމުތަކުގައިވެސް މިފަދަ ނިޒާމެއް އަންނަނީ ކާމިޔާބުކަމާއެކު ހިންގަމުންނެވެ. މިއީ ރާއްޖޭގެ އިންތިޚާބީ އޮނިގަނޑަށް ގެނެވޭ ތާރީޚީ ބަދަލަކަށް ވާއިރު، މިކަމުގައި އެންމެ ފަހުގެ ނިންމުން ނިންމާނީ ރައްޔިތުންގެ ސީދާ ވޯޓަކުންނެވެ. ވޯޓުދޭ މީހުންގެ އަޣުލަބިއްޔަތު ނުލިބިއްޖެނަމަ މި އިޞްލާޙު ބާޠިލުވާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0