Read Time:2 Minute, 14 Second
(ފޮޓޯ ކްރެޑިޓްސް: ޕޮލިސް)
މަސްތުވާތަކެތީގެ ވިޔަފާރިކުރާ ފަރާތްތަކަށް އެޅޭނެ އެންމެ ހަރުކަށި ފިޔަވަޅު އަޅާނެކަމަށް ދާޚިލީ ސަލާމަތާ ފަންނިއްޔާތާ ބެހޭ ވަޒީރު ޢަލީ އިޙްސާން ވިދާޅުވެއްޖެއެވެ. ވަޒީރު މިހެން ވިދާޅުވީ ފުވައްމުލަކުގައި މަސްތުވާތަކެތީގެ ވިޔަފާރިކުރި މީހަކަށް 75 އަހަރުގެ ޖަލު ހުކުމެއް އިއްވުމާ ގުޅިގެންނެވެ. ފުލުހުން ފުވައްމުލަކުގައި ހިންގި ޚާއްޞަ އޮޕަރޭޝަނެއްގައި، މަސްތުވާތަކެތީގެ ނެޓްވޯކްތަކާ ގުޅުންހުރި 174 މީހުން ހައްޔަރުކޮށް، ގިނަ މައްސަލަތަކެއްގެ ތަހުގީގު ނިންމައި ދައުވާކުރުމަށް ވަނީ ފޮނުވާފައެވެ.
މަސްތުވާތަކެތީގެ ވަބާއިން ޒުވާން ޖީލުތައް ސަލާމަތްކުރުމަށް ސަރުކާރުން ކުރާ މަސައްކަތުގެ ތެރެއިން، މި ފަދަ ކުށްތައް ކުރާ މީހުންނަށް މަރުގެ އަދަބު ދެވޭ ގޮތަށް ގާނޫނަށް ވަނީ ބަދަލު ގެނެސްފައެވެ. ފާއިތުވި އަހަރުގެ ތަފާސްހިސާބުތަކަށް ބަލާއިރު، 500 ކިލޯއަށްވުރެ ގިނަ މަސްތުވާތަކެތި އަތުލައިގަނެ، ގިނަ އަދަދެއްގެ މައްސަލަތައް ތަހުގީގުކޮށް ޕީޖީ އޮފީހަށް ވަނީ ފޮނުވާފައެވެ. ވަޒީރު ވަނީ މި ކާމިޔާބީގައި ހިމެނޭ ފުލުހުންނާއި ޕްރޮސިކިއުޓަރުންގެ މަސައްކަތް ފާހަގަކުރައްވައި ތައުރީފު ކުރައްވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0