Read Time:1 Minute, 46 Second
(ފޮޓޯ ކްރެޑިޓްސް: އެމްޕީއެލް)
މިދިޔަ ޑިސެންބަރު މަހު އިމްޕޯޓް އެކްސްޕޯޓުން ދައުލަތަށް 325 މިލިޔަން ރުފިޔާގެ އާމްދަނީއެއް ލިބިފައިވާކަމަށް ކަސްޓަމްސްގެ ތަފާސްހިސާބުތަކުން ދައްކައެވެ. މި މުއްދަތުގައި 5.3 ބިލިޔަން ރުފިޔާގެ މުދާ އިމްޕޯޓްކޮށްފައިވާއިރު، އެންމެ ގިނައިން އެތެރެކުރީ ކާބޯތަކެއްޗާއި، މެޝިނަރީ އަދި ތެލުގެ ބާވަތްތަކެވެ. ރާއްޖެއަށް އެންމެ ގިނައިން މުދާ އެތެރެކުރި ގައުމުތަކަކީ ޗައިނާ، އޮމާން އަދި ޔޫއޭއީއެވެ.
އެކްސްޕޯޓަށް ބަލާއިރު، ޑިސެންބަރު މަހު 204 މިލިޔަން ރުފިޔާގެ މުދާ ރާއްޖެއިން ބޭރުކޮށްފައިވެއެވެ. މީގެ ތެރޭގައި އެންމެ ގިނައީ ފިނިކުރި މަހާއި ދަޅުމަހުގެ ބާވަތްތަކެވެ. ރާއްޖޭގެ އުފެއްދުންތައް އެންމެ ގިނައިން ބޭރުކުރީ ތައިލޭންޑާއި އިނގިރޭސިވިލާތަށެވެ. މީގެއިތުރުން، މިދިޔަ އަހަރުގެ ޑިސެންބަރު މަހާ އަޅާބަލާއިރު ރާއްޖެއަށް އައި އަދި ފުރި އުޅަނދުފަހަރުގެ އަދަދުވެސް ވަނީ އިތުރުވެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0