Read Time:1 Minute, 42 Second
(ފޮޓޯ ކްރެޑިޓްސް: މިހާރު)
މި ސަރުކާރުގެ “އާއިލީ ބޯހިޔާވަހިކަން” މަޝްރޫޢުގެ ދަށުން ގޯއްޗަށް އެދުމުގެ މުއްދަތު އަންނަ ހަފުތާގައި ހަމަވާއިރު، މިހާތަނަށް 1،633 މީހުން ގޯއްޗަށް އެދިފައިވާ ކަމަށް ހައުސިން މިނިސްޓްރީން ވަނީ ހާމަކޮށްފައެވެ. މި މަޝްރޫޢުގައި ޖުމްލަ 15،000 ގޯއްޗާއި 7،900 ފްލެޓް ދޫކުރުމަށް ހަމަޖެހިފައިވާއިރު، ފްލެޓަށް އެދުމުގެ ފުރުސަތު އޭޕްރީލް 17 އާ ހަމައަށް އޮތް ނަމަވެސް ގޯއްޗަށް އެދުމުގެ ސުންގަޑިއަކީ މާޗް 4 އެވެ. މިހާތަނަށް ފްލެޓަށް އެދި 3،434 ފޯމު ހުށަހަޅާފައިވާއިރު، ފޯމު ހުށަހެޅުމުގެ މަރުހަލާގައި 11،000 އަށްވުރެ ގިނަ ފޯމު އެބައޮތެވެ. މީގެއިތުރުން، ކުރީގެ ބިންވެރިޔާ ސްކީމުން ޖޮއިންޓްކޮށް ގޯތި ލިބުނު ފަރާތްތަކަށް ވަކިވަކިން ގޯތި ލިބޭނެ އާ އުސޫލެއް އެކުލަވާލުމުގެ މަސައްކަތް ކުރަމުންދާ ކަމަށާއި، އަންނަ މަހު އެ ފުރުސަތު ހުޅުވާލާނެ ކަމަށްވެސް މިނިސްޓްރީން ބުނެފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0