Read Time:1 Minute, 47 Second
(ފޮޓޯ ކްރެޑިޓްސް: އިމާރާތްކުރުމާއިބެހޭ ވުޒާރާ)
މާލޭގެ މަގުތަކުގައި ފެންބޮޑުވާ މައްސަލައަށް ހައްލެއް ހޯދުމަށް ފެން ހިންދާ ނިޒާމު އޮޓޮމޭޓްކުރުމަށް ޖަޕާނުގެ ޓެކް އިންޓަރނޭޝަނަލް ކުންފުންޏާއެކު ސަރުކާރުން އެއްބަސްވުމެއްގައި ސޮއިކޮށްފިއެވެ. ޖަޕާނު ސަރުކާރުގެ އެހީގައި ކުރިއަށްގެންދާ މި މަޝްރޫޢުގެ ދަށުން މާލޭގެ 16 ޕަމްޕު ސްޓޭޝަނެއް އޮޓޮމޭޓްކޮށް، އެ ތަންތަން މޮނިޓަރކުރާނެ މަރުކަޒީ ނިޒާމެއް ޤާއިމުކުރުމުގެ އިތުރުން މެއިންޓެނަންސް މަސައްކަތަށް ބޭނުންވާ އުޅަނދެއް ހޯދުމަށް ވަނީ ހަމަޖެހިފައެވެ. ގާތްގަނޑަކަށް 1.5 މިލިއަން ޑޮލަރު ޚަރަދުވާ މި މަސައްކަތް 487 ދުވަހުގެ ތެރޭގައި ނިންމުމަށް ކަނޑައަޅާފައިވާއިރު، މީގެ ސަބަބުން 24 ގަޑިއިރު މެދުނުކެނޑި ޕަމްޕުތަކުގެ މަސައްކަތް ބެލެހެއްޓޭނެއެވެ. މިއީ މާލޭގެ ބޭރުތޮށި މަރާމާތުކުރުމުގެ މަސައްކަތްވެސް ހިމެނޭ “ޑިޒާސްޓަރ ރެޒިލިއަންސް އެންހޭންސްމަންޓް” މަޝްރޫޢުގެ ބައެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0