Read Time:1 Minute, 47 Second
(ފޮޓޯ ކްރެޑިޓްސް: ރައީސް އޮފީސް)
އިޤްތިޞާދީ މުހިންމު ތިން ދާއިރާއަކުން ސަރުކާރަށް ފަންނީ ލަފާދޭނެ އެޑްވައިޒަރީ ކޮމިޓީތަކަށް ކުރިމަތިލުމުގެ ފުރުޞަތު ރައީސުލްޖުމްހޫރިއްޔާގެ އޮފީހުން އަލުން ހުޅުވާލައިފިއެވެ. މިގޮތުން އެކުލަވާލަނީ ފަތުރުވެރިކަމުގެ ދާއިރާއަށް 14 މެންބަރުންގެ ކޮމިޓީއަކާއި، އިމާރާތްކުރުމުގެ ދާއިރާއަށް 13 މެންބަރުންގެ ކޮމިޓީއެއްގެ އިތުރުން މަސްވެރިކަމާއި މެރިކަލްޗަރގެ ދާއިރާއަށް 11 މެންބަރުންގެ ކޮމިޓީއެކެވެ. މި ކޮމިޓީތަކުގައި ކަމާގުޅޭ އެކި ދާއިރާތަކުގެ ތަޖުރިބާކާރުންނާއި، ޖަމުޢިއްޔާތަކާއި، އަމިއްލަ ކުންފުނިތައް ތަމްސީލުކުރާނެއެވެ. މެންބަރުކަމަށް ކުރިމަތިލުމުގެ ސުންގަޑިއަކީ އަންނަ މަހުގެ 3 ވާ އަންގާރަ ދުވަހުގެ މެންދުރު 12:00 އެވެ. ކުރިމަތިލުމަށް ބޭނުންވާ ފޯމު ރައީސް އޮފީހުގެ ވެބްސައިޓުން ލިބޭނެ ކަމަށާއި، ފޯމު ހުށަހަޅާނީ އީމެއިލް މެދުވެރިކޮށް ނުވަތަ އެ އޮފީހުގެ ރިސެޕްޝަނަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0