Read Time:2 Minute, 42 Second
(ފޮޓޯ ކްރެޑިޓްސް: އެމްޕީއެލް)
މާލޭގެ ލޯކަލް މާރުކޭޓު ސަރަހައްދުގައި އަލުން ބަނދަރުކުރަން ފެށި އުޅަނދުތަކަށް ފެނާއި ކަރަންޓުގެ ޚިދުމަތް ދިނުމުގެ މަސައްކަތް އެމްޕީއެލްއިން ވަނީ ފަށާފައެވެ. ބޮޑުތަކުރުފާނު މަގު ހެދުމަށްޓަކައި މީގެ ކުރިން ވަގުތީ ގޮތުން އެހެން ސަރަހައްދުތަކަށް ބަދަލުކުރި އުޅަނދުތައް މިހާރު ވަނީ އަލުން އެ ސަރަހައްދަށް ބަދަލުކޮށްފައެވެ. ނޯތު ހާބަރުގެ އޭ ޒޯނުގައި އައު ފައްތިޔާތަކެއް ބޭނުންކުރަން ފަށާފައިވާއިރު، ކުރިއަށް އޮތް ހަފުތާގައި ބީ ޒޯނަށްވެސް އުޅަނދުތައް ބަދަލުކުރަން ފަށާނެއެވެ.
ބޮޑުތަކުރުފާނު މަގު ތަރައްޤީކުރުމުގެ މަސައްކަތް ކުރުމަށްޓަކައި އެމް.އެމް.އޭ ސަރަހައްދާއި ހުޅުމާލެ ޕެޓްރޯލް ޖެޓީއަށް ވަގުތީ ގޮތުން ބަދަލުކުރި މުދަލާއި ޕަސެންޖަރުން އުފުލާ އުޅަނދުތައް، މިހާރު ވަނީ އަލުން މާލޭ ނޯތު ހާބަރުގެ ‘އޭ ޒޯން’ (ބޮޑުތަކުރުފާނު މަގާވީ ފަރާތު ތޮށިގަނޑު) އަށް… pic.twitter.com/EmW794psN8
— Maldives Ports Limited (@Portmv) February 21, 2026
ބޮޑުތަކުރުފާނު މަގުގެ ބާޒާރުމަތީ ސަރަހައްދު ފުޅާކޮށް، ތާރު އަޅައިގެން މިހާރު ވަނީ ދެކޮޅަށް ދުއްވޭގޮތަށް ހުޅުވާލާފައެވެ. މީގެ އިތުރުން ރަސްމީ ފާލަމުން ފެށިގެން ހެންވޭރު ފެރީ ޓާމިނަލާ ހަމައަށް މަގު ހެދުމުގެ މަސައްކަތް ރޯދަމަހުގެ ތެރޭގައި ފަށާނެއެވެ. މުޅި މަޝްރޫއު އަންނަ މެއި މަހަށް ނިމުމުން، މާލޭގެ އުތުރު ފަރާތުގެ ތޮއްޖެހުން ކުޑަވެ، މުދާ އުފުލުމާއި ދަތުރުފަތުރުގެ ކަންކަމަށް ބޮޑު ލުޔެއް ލިބޭނެ ކަމަށް ސަރުކާރުން ބުނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0