Read Time:1 Minute, 50 Second
(ފޮޓޯ ކްރެޑިޓްސް: އެމްޓީސީސީ)
މާލޭގެ ބޮޑުތަކުރުފާނުމަގު ޒަމާނީ ފެންވަރަށް ތަރައްޤީކުރުމުގެ މަޝްރޫޢުގެ ދަށުން، ރަސްމީ ފާލަމުން ފެށިގެން ހެންވޭރު ފެރީ ޓާމިނަލާ ހަމައަށް މަގު ހެދުމުގެ އަމަލީ މަސައްކަތް މިމަހު ފަހުކޮޅު ފެށުމަށް އެމްޓީސީސީން ވަނީ ނިންމާފައެވެ. މި މަސައްކަތުގެ ތެރޭގައި 600 މީޓަރުގެ ސަރަހައްދެއްގައި ޝީޓްޕައިލް ކުރުމާއި، 700 މީޓަރުގެ ސަރަހައްދެއްގައި ތާރުއެޅުމުގެ އިތުރުން ދުވާރު ހެދުމާއި ފެން ހިންދާ ނިޒާމު ގާއިމުކުރުން ހިމެނެއެވެ. މި މަޝްރޫޢުގެ ދަށުން މިހާތަނަށް ދެ ފިޔަވައްސެއްގެ މަސައްކަތް ނިމި އާންމުންނަށް ހުޅުވާލާފައިވާއިރު، މުޅި މަޝްރޫޢު އޭޕްރިލް ނުވަތަ މޭ މަހުގެ ތެރޭގައި ނިންމާލެވޭނެ ކަމަށް އެ ކުންފުނިން ލަފާކުރެއެވެ. މި މަގު ތަރައްޤީކޮށް ނިމުމުން މާލޭގެ އުތުރު ފަރާތުގެ މަގުތަކުގައި ފެންބޮޑުވުމުގެ މައްސަލައަށް ދާއިމީ ހައްލެއް ލިބި، ހިނގާބިނގާވެ އުޅޭ މީހުންނަށް ރައްކާތެރި މާހައުލެއް ގާއިމުވެގެންދާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0