Read Time:2 Minute, 2 Second
(ފޮޓޯ ކްރެޑިޓްސް: ސަން ޝިޔާމ ރިސޯޓްސް)
މިދިޔަ މަހު ގްރީން ޓެކުހުގެ ގޮތުގައި ދައުލަތަށް 221.7 މިލިއަނަށްވުރެ ގިނަ ރުފިޔާ ލިބިފައިވާއިރު، މިއީ މިދިޔަ އަހަރުގެ މި މުއްދަތާ އަޅާބަލާއިރު 104.8 އިންސައްތައިގެ ކުރިއެރުމެކެވެ. މި ޓެކުހަކީ ތިމާވެށި ހިމާޔަތްކުރުމުގެ މަސައްކަތްތަކަށް ފައިސާ ހޯދުމަށް 2016 ވަނަ އަހަރުން ފެށިގެން ފަތުރުވެރިންގެ އަތުން ނަގަމުން އަންނަ ޓެކުހެކެވެ. ގްރީން ޓެކުހުގެ އާމްދަނީ އިތުރުވުމުގެ މައިގަނޑު ސަބަބަކީ ރާއްޖެއަށް ޒިޔާރާތްކުރި ފަތުރުވެރިންގެ އަދަދު 5 އިންސައްތަ އިތުރުވުމެވެ. މިގޮތުން މިދިޔަ މަހު 2 ލައްކައަށްވުރެ ގިނަ ފަތުރުވެރިން ރާއްޖެއަށް ޒިޔާރާތްކޮށްފައިވާއިރު، އޭގެ ތެރެއިން ގިނަ މީހުން ޗުއްޓީ ހޭދަކުރީ ރިސޯޓުތަކުގައެވެ. ގްރީން ޓެކުހުގެ ގޮތުގައި ނަގަނީ ރިސޯޓު، ހޮޓާ އަދި ސަފާރީތަކުން ބޮލަކަށް 12 ޑޮލަރު އަދި ގެސްޓްހައުސްތަކުން 6 ޑޮލަރެވެ. މި ޓެކުހުން ލިބޭ ފައިސާ ސަރުކާރުން ބޭނުންކުރަނީ ރަށްރަށުގެ ފެނާއި ނަރުދަމާ އަދި ގޮނޑުދޮށް ހިމާޔަތްކުރުން ފަދަ ތިމާވެށީގެ މަޝްރޫއުތައް ހިންގުމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0