Read Time:2 Minute, 27 Second
ކައުންސިލް އިންތިހާބުގައި އައްޑޫ ސިޓީގެ މޭޔަރުކަމަށް ޕީއެންސީގެ ޓިކެޓުގައި ވާދަކުރައްވާ މުޝްރިފް އަލީއަކީ އިދާރީ ހިންގުމުގެ ދާއިރާގައި 20 އަހަރަށްވުރެ ގިނަ ދުވަހުގެ ތަޖުރިބާ ލިބިވަޑައިގެންފައިވާ ބޭފުޅެކެވެ. އޭނާ ވަނީ ސަރުކާރުގެ އެކި މުއައްސަސާތަކާއި، ކައުންސިލްތަކާއި، އަމިއްލަ ކުންފުނިތަކުގެ އިތުރުން ތައުލީމީ ދާއިރާގައިވެސް އިސް މަގާމުތަކެއް ފުރުއްވާފައެވެ. މިހާރު ހިތަދޫ ޓައުން އޮފީހުގެ ކައުންސިލް އެގްޒެކެޓިވްގެ މަގާމުގައި ހުންނެވި މުޝްރިފަކީ ކޮމްޕިއުޓާ ސައިންސްގެ ދާއިރާއިން މާސްޓާސް ޑިގްރީ ހާސިލްކުރައްވައިގެން ހުންނެވި ގާބިލް ބޭފުޅެކެވެ.
މުޝްރިފް މޭޔަރުކަމަށް ކުރިމަތިލައްވަން ނިންމެވީ އައްޑޫ ސިޓީގެ ރައްޔިތުންނަށް ކައުންސިލް މެދުވެރިކޮށް ދޭންޖެހޭ ހިދުމަތްތައް ލަސްވަމުންދާތީ، ސަރުކާރާ ގުޅިގެން އެކަންކަމަށް އަވަސް ހައްލެއް ހޯދައިދިނުމުގެ މަގްސަދުގައެވެ. އޭނާގެ މައިގަނޑު އަމާޒަކީ ދެފުށް ފެންނަ ގޮތަކަށް ކައުންސިލްގެ ކަންކަން ބަލަހައްޓައި، އައްޑޫއަކީ ސާފުތާހިރު، ޒުވާނުންނަށް ފުރުސަތުތައް އޮތް ތަނަކަށް ހެދުމެވެ. ތައުލީމީ ފެންވަރާއި ހިންގުމުގެ ތަޖުރިބާއަށް ބަލާއިރު، މުޝްރިފަކީ އައްޑޫ ސިޓީގެ ތަރައްގީއަށް މުހިންމު ބަދަލުތަކެއް ގެނެސްދެވޭނެ ފަދަ ގާބިލިއްޔަތުކަން ހުރި ބޭފުޅެކެވެ.
Happy
0 %
Sad
33 %
Excited
33 %
Sleepy
0 %
Angry
33 %
Surprise
0 %
0
1