Read Time:2 Minute, 24 Second
(ފޮޓޯ ކްރެޑިޓްސް: އިސްލާމީކަންތައްތަކާބެހެ ވުޒާރާ)
ރަމަޟާން މަހަކީ ބަރަކާތާއި ރަޙުމަތުން ފުރިގެންވާ، އިސްލާމްދީނުގެ ހަތަރުވަނަ ރުކުން ކަމުގައިވާ ރޯދަ ހިފުމުގެ މައްސަރެވެ. މިއީ އަޅުކަމާއި ތަޤުވާގެ އިތުރުން، އިސްލާމީ ތާރީޚުގައި ނަޞްރާއި ކާމިޔާބުގެ ގިނަ ހާދިސާތަކެއް ހިނގާފައިވާ މުހިންމު މަހެކެވެ. އެގޮތުން އެންމެ ފާހަގަކޮށްލެވޭ އެއް ހާދިސާއަކީ މީސްތަކުންނަށް ހިދާޔަތެއްގެ ގޮތުގައި ކީރިތި ޤުރުއާން ބާއްވާލައްވަން ފެއްޓެވުމެވެ. މީގެ އިތުރުން، ހިޖުރައިން ދެވަނަ އަހަރުގެ ރަމަޟާން މަހު ހިނގި ބަދުރު ހަނގުރާމައިގައި، މުސްލިމުންގެ މަދުލަޝްކަރަށް މުޝްރިކުންގެ ބޮޑު ލަޝްކަރުގެ މައްޗަށް މާތް ﷲ މަތިވެރި ނަޞްރެއް ދެއްވައި އިސްލާމްދީން ޢިއްޒަތްތެރިކޮށްދެއްވިއެވެ.
ހަމައެހެންމެ، ހިޖުރައިން އަށްވަނަ އަހަރުގެ ރަމަޟާން މަހު މައްކާ ފަތަޙަކުރެއްވުމަކީ އިސްލާމީ ތާރީޚުގައި ހިނގި ވަރަށް އުފާވެރި ކާމިޔާބީއެކެވެ. މި ފަތަޙައާއެކު މައްކާގެ ބިން ޝިރުކުން ޠާހިރުވެ، ގިނަ ބަޔަކު އިސްލާމްދީނަށް ވަންނަން ފެށިއެވެ. މިފަދަ ތާރީޚީ ފިލާވަޅުތަކަކީ އަންނަން އޮތް ޖީލުތަކުގެ ހިތްތަކުގައި އީމާންކަން ވަރުގަދަކޮށް، އިސްލާމީ ތަރުބިއްޔަތު އަށަގެންނެވުމަށްޓަކައި ދިރުވާ އާލާކުރަންޖެހޭ މުހިންމު މަޢުލޫމާތުތަކެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0