Read Time:1 Minute, 51 Second
(ފޮޓޯ ކްރެޑިޓްސް: އެމްއޭސީއެލް)
ވެލާނާ އިންޓަރނޭޝަނަލް އެއަރޕޯޓުގެ ޚިދުމަތްތައް ފުޅާކުރުމަށް ސަރުކާރުން ކުރަމުންދާ މަސައްކަތުގެ ދަށުން، ޑޮމެސްޓިކް ޓަރމިނަލްގެ އޮޕަރޭޝަން ކުރީގެ ބައިނަލްއަޤްވާމީ ޓަރމިނަލަށް ބަދަލުކޮށް ޚިދުމަތްތަކަށް ބޮޑު ކުރިއެރުމެއް ވަނީ ގެނެސްފައެވެ. ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އިރުޝާދުގެ ދަށުން އެންމެ 15 ދުވަސް ތެރޭގައި ގެނައި މި ބަދަލާއެކު، ޗެކިން ކައުންޓަރުތަކާއި، ޑިޕާޗަރ ގޭޓުތަކާއި، ބެގޭޖް ބެލްޓްތަކުގެ އަދަދު ވަނީ ވަރަށް ބޮޑަށް އިތުރުކޮށްފައެވެ. މީގެ އިތުރުން ކޮމާޝަލް ޖާގަތަކާއި، ނަމާދުކުރާނެ ތަންތަނާއި، ކުޑަކުދިން ކުޅޭނެ ސަރަހައްދުތައް ހިމެނޭހެން ފަސިންޖަރުންނަށް ބޭނުންވާ ފަސޭހަތައް ވަނީ އިތުރުކޮށްފައެވެ. މި މަޝްރޫޢަކީ ރާއްޖޭގެ އިޤްތިޞާދު ކުރިއެރުވުމަށާއި، އަހަރަކު އެތައް މިލިއަން ފަތުރުވެރިންނަކަށް ޚިދުމަތްދޭ މައި ދޮރާށީގެ ފެންވަރު ރަނގަޅުކުރުމަށް އެޅުނު މުހިންމު ފިޔަވަޅެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0