Read Time:2 Minute, 12 Second
(ފޮޓޯ ކްރެޑިޓްސް: ރައީސް އޮފީސް)
މާލޭގެ ސިނަމާލެ އަދި މާލޭހިޔާ ފްލެޓްތަކުގައި ދިރިއުޅޭ ރައްޔިތުންނަށް ދިމާވެފައިވާ ދަތިތަކަށް ހައްލެއް ހޯއްދަވައިދެއްވުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ޚާއްޞަ އިނާޔަތްތަކެއް ދެއްވަން ނިންމަވައިފިއެވެ. މިގޮތުން އެކި ސަބަބުތަކާ ހުރެ ފްލެޓްތަކަށް ފައިސާ ނުދެއްކިގެން އަރާފައިވާ ހުރިހާ ޖޫރިމަނާއެއް މާފުކޮށްދެއްވުމަށާއި، އިމާރާތްތަކުގެ ބާވެ ހަލާކުވެފައިވާތީ ކޮންމެ ފްލެޓަކަށް އެއްލައްކަ ރުފިޔާގެ އިނާޔަތެއް ދެއްވުމަށް ވަނީ ހަމަޖައްސަވާފައެވެ.
މި އިނާޔަތް ދިނުމުގައި ފްލެޓަށް ދައްކަންޖެހޭ ބާކީ ފައިސާ ހުރިނަމަ އެއްލައްކަ ރުފިޔާއާ ހަމައަށް އެ އަދަދު އުނިކޮށްދެއްވާނެއެވެ. އަދި ދައްކަންޖެހޭ ފައިސާ އެއްލައްކަ ރުފިޔާއަށްވުރެ މަދުނަމަ، ބާކީވާ ބައި ފްލެޓްގެ ވެރިފަރާތަށް ދެއްވުމަށާއި، ފައިސާ ދައްކާ ނިންމާފައިވާ ފަރާތްތަކަށް އެއްލައްކަ ރުފިޔާ އެއްކޮށް ދެއްވުމަށްވެސް ރައީސް ވަނީ ނިންމަވާފައެވެ. މީގެ އިތުރުން، އެ ސަރަހައްދުގެ ބާވެފައިވާ އިމާރާތްތައް އަލުން ތަރައްޤީކުރުމުގެ މަސައްކަތް ކުރިއަށް ގެންދިއުމަށްވެސް ސަރުކާރުން ވަނީ ނިންމަވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0