Read Time:1 Minute, 59 Second
(ފޮޓޯ ކްރެޑިޓްސް: މަޓީ)
މޯލްޑިވްސް އެސޯސިއޭޝަން އޮފް ޓޫރިޒަމް އިންޑަސްޓްރީ (މަޓީ) ގެ 36 ވަނަ އަހަރީ އާންމު ޖަލްސާގައި އެ ޖަމިއްޔާގެ އެގްޒެކެޓިވް ބޯޑުގެ ޗެއަރޕާސަންގެ މަގާމަށް ހުސައިން އަފީފް އިންތިޚާބުކޮށްފިއެވެ. ކުރުނބާ މޯލްޑިވްސްގައި ބޭއްވި މި ޖަލްސާގައި ފަތުރުވެރިކަމުގެ ދާއިރާގެ ގިނަ އަދަދެއްގެ މެންބަރުން ބައިވެރިވިއިރު، މަޓީގެ ކުރީގެ ޗެއަރމަން މަރުހޫމް މުހައްމަދު އުމަރު މަނިކުގެ ހިދުމަތުގެ އަގުވަޒަންކޮށް، އެމަނިކުފާނަށް “މެންބަރ އޮފް އޮނަރ” ގެ ލަގަބު ވަނީ އަރުވާފައެވެ.
މި ޖަލްސާގައި 2026 އިން 2029 އަށް މަޓީ ހިންގާނެ އާ ބޯޑު އިންތިޚާބުކޮށް، ކުރިއަށް އޮތް އަހަރުތަކުގެ ބަޖެޓާއި ރިޕޯޓުތައް ވަނީ ފާސްކޮށްފައެވެ. އަދި ސެކްރެޓަރީ ޖެނެރަލްގެ މަގާމަށް އަސަދު އަލީ އިންތިޚާބުކޮށްފައިވާއިރު، ރާއްޖޭގެ ފަތުރުވެރިކަން ދެމެހެއްޓެނިވި ގޮތެއްގައި ކުރިއަށް ގެންދިއުމަށް ގުޅިގެން މަސައްކަތް ކުރުމުގެ މުހިންމުކަން ވަނީ ފާހަގަކޮށްފައެވެ. މަޓީއަކީ ރާއްޖޭގެ 120 އަށްވުރެ ގިނަ ރިސޯޓު ތަމްސީލުކުރާ މައި ޖަމިއްޔާއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0