Read Time:2 Minute, 16 Second
(ފޮޓޯ ކްރެޑިޓްސް: ރައީސް އޮފީސް)
ރާއްޖެއަކީ އިންވެސްޓަރުންނަށް ފަހި އަދި ނަފާލިބޭ މަންޒިލަކަށް ހެދުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ދަނީ ބައިނަލްއަޤްވާމީ ފެންވަރުގައި ބޮޑެތި މަސައްކަތްތަކެއް ކުރައްވަމުންނެވެ. އެގޮތުން ދުނިޔޭގެ ތިންވަނަ އިޤްތިޞާދު ކަމަށްވާ ޖަރުމަންވިލާތުގެ ވިޔަފާރިވެރިންނާ ބައްދަލުކުރައްވައި، ރާއްޖޭގައި ހުރި އިންވެސްޓްމެންޓް ފުރުޞަތުތަކާއި 2040 އަށް ރާއްޖެ ތަރައްޤީވެފައިވާ ޤައުމަކަށް ހެދުމުގެ ތަޞައްވުރު ވަނީ ހިއްސާކުރައްވާފައެވެ.
ސަރުކާރުން އަޅާފައިވާ ހަރުދަނާ މާލީ ފިޔަވަޅުތަކުގެ ސަބަބުން ބަޖެޓް ޑެފިސިޓް ކުޑަވެ، އިންވެސްޓަރުންގެ އިތުބާރު ބޮޑުވަމުންދާކަން ރައީސް ފާހަގަކުރެއްވިއެވެ. މީގެ ހެއްކަކީ ގޫގުލް ފަދަ ބޮޑެތި ކުންފުނިތަކުން ރާއްޖޭގައި އިންވެސްޓްކުރަން ނިންމުމެވެ. ޚާއްޞަކޮށް ފަތުރުވެރިކަން، އާބަދީ، ހަކަތަ، އަދި ސިއްޙީ ދާއިރާއިން އިންވެސްޓްމެންޓްތައް ހޯދުމަށް ޤާނޫނީ ލުއިތަކާއި ފަހި މާހައުލެއް މިހާރު ވަނީ ޤާއިމުކޮށްފައެވެ. ރާއްޖޭގެ އަމާޒަކީ ދުނިޔޭގެ ވަރުގަދަ އިޤްތިޞާދުތަކާ ގުޅިގެން ދުރުރާސްތާގެ ނަތީޖާ ނެރެވޭނެ ފަދަ އިންވެސްޓްމެންޓްތައް ރާއްޖެއަށް ގެނައުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0