Read Time:2 Minute, 33 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ޤައުމު ސަލާމަތް ކުރެވެނީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސިޔާސަތުތަކަށް އެއްބާރުލުން ދީގެން ކަމަށް ޖުމްހޫރީ ޕާޓީގެ ލީޑަރު ޤާސިމް އިބްރާހިމް ވިދާޅުވެއްޖެއެވެ. ޖޭޕީގެ ޚާއްޞަ ޙަފްލާއެއްގައި ވާހަކަފުޅު ދައްކަވަމުން ޤާސިމް ވަނީ ކުރިއަށް އޮތް މަޖިލިސް އިންތިޚާބުގައި ސަރުކާރު ހިންގާ ޕީއެންސީގެ ކެންޑިޑޭޓުންނަށް ވޯޓު ދިނުމަށް ރައްޔިތުންނަށް ގޮވާލައްވާފައެވެ. އޭނާ ވިދާޅުވީ ޤައުމުގެ ހަމަޖެހުމާއި ތަރައްޤީއަށްޓަކައި ސަރުކާރަށް ފުރުޞަތު ދޭންޖެހޭ ކަމަށާއި، މިހާރުގެ އިޤްތިޞާދީ ދަތި ހާލަތުން ޤައުމު ސަލާމަތް ކުރެވެނީ ރައީސްގެ ކުޅަދަނާކަމުން ކަމަށެވެ.
ކުރީގެ ސަރުކާރުތަކުން ޤައުމު ބޮޑު ދަރަންޏެއްގައި ބާއްވާފައިވާކަން ފާހަގަކުރައްވައި، ޤާސިމް ވަނީ އެމްޑީޕީގެ ވެރިކަމުގައި ދީނާއި ޤާނޫނާ ޚިލާފު ކަންކަން ހިންގާފައިވާ ކަމަށް ތުހުމަތު ކުރައްވާފައެވެ. އަދި މިނިވަންކަމާއި އަބުރު ރައްކާތެރިކުރުމަށްޓަކައި އިސްލާމީ އުޞޫލުތަކުގެ ތެރެއިން ޤާނޫނު އަސާސީއަށް އިސްލާޙުތަކެއް ގެންނަންޖެހޭ ކަމަށްވެސް އޭނާ ވިދާޅުވިއެވެ. ޤާސިމްގެ ވާހަކަފުޅުގައި ރައީސް މުޢިއްޒުގެ ސިޔާސަތުތަކަށް ފުރިހަމައަށް ތާޢީދުކުރައްވައި، ޤައުމީ މަޞްލަޙަތަށްޓަކައި ސަރުކާރަށް އެއްބާރުލުން ދިނުމަށް ތަކުރާރުކޮށް އިލްތިމާސް ކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0