Read Time:1 Minute, 51 Second
(ފޮޓޯ ކްރެޑިޓްސް: ސިއްޙީ ވުޒާރާ)
ރާއްޖޭގެ އެކި ސަރަޙައްދުތަކުގައި ތަރައްޤީކުރަމުން އަންނަ 6 ހޮސްޕިޓަލެއްގެ މަސައްކަތް މިއަހަރުގެ ތެރޭގައި ނިންމައި ޚިދުމަތް ދޭން ފެށުމަށް ސަރުކާރުން އަންނަނީ މަސައްކަތް ކުރަމުންނެވެ. އެގޮތުން ހއ.ހޯރަފުށި، ނ.ކެނދިކުޅުދޫ، ރ.ދުވާފަރު، ބ.ތުޅާދޫ، ޅ.ހިންނަވަރު އަދި ކ.ގުރައިދޫގެ ހޮސްޕިޓަލްތައް މިއަހަރު ހުޅުވޭނެ ކަމަށް ޞިއްޙީ ވުޒާރާއިން ލަފާކުރެއެވެ. މިއީ ޞިއްޙީ ޚިދުމަތް ހޯދުމަށް މާލެއަށް ބަރޯސާވާންޖެހޭ މިންވަރު ކުޑަކޮށް، އަތޮޅުތަކުގެ ޞިއްޙީ ފެންވަރު މަތިކުރުމަށް ކުރިއަށްގެންދާ މުހިންމު މަޝްރޫޢުތަކެކެވެ. މީގެއިތުރުން، ރާއްޖޭގެ 7 ސަރަޙައްދެއްގައި އަރބަން ސެންޓަރުތައް ޤާއިމުކޮށް، އެ ތަންތަނުގެ ހޮސްޕިޓަލްތައް ޓަރޝަރީ ފެންވަރަށް ތަރައްޤީކުރުމުގެ މަސައްކަތްވެސް ދަނީ ކުރަމުންނެވެ. ކުރިއަށް އޮތް 5 އަހަރުގެ ތެރޭގައި ރާއްޖޭގެ ޞިއްޙީ ނިޒާމަށް އިންޤިލާބީ ބޮޑު ބަދަލެއް ގެނައުމަކީ ސަރުކާރުގެ އަމާޒެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0