Read Time:2 Minute, 12 Second
(ފޮޓޯ ކްރެޑިޓްސް: ޒުވާން މަސްވެރިޔާ)
ދިވެހިރާއްޖޭގެ އިޤްތިޞާދުގެ މައިނާރަކީ މަސްވެރިކަން ކަމަށްވާއިރު، މި ސިނާޢަތް ކުރިއަރުވައި އައު ދިރުމެއް ދިނުމަށް މި ސަރުކާރުން ދަނީ ގިނަ މަސައްކަތްތަކެއް ކުރަމުންނެވެ. އެގޮތުން މަސްވެރިކަން ސިންދަފާތުކޮށް، “ސްޕޯޓްސް ފިޝިންގ” ނުވަތަ މުނިފޫހިފިލުވުމުގެ މަސްވެރިކަން ފުޅާކުރުމަށްޓަކައި ރާއްޖޭގެ އެކި ސަރަހައްދުތަކުގައި ޒަމާނީ ބަނދަރުތަކާއި ވަސީލަތްތައް ޤާއިމުކުރުމަށް ވަނީ ރޭވިފައެވެ. މި މަޝްރޫޢުގެ ދަށުން މަސްވެރިކަމާ ގުޅޭ ވިޔަފާރިތަކާއި ފަތުރުވެރިކަމުގެ އައު ފުރުޞަތުތައް ހުޅުވިގެންދާނެއެވެ.
މީގެ އިތުރުން، މަސްވެރިންނަށް ބޭނުންވާ ކަނދުފަތީގެ ވިއުގަ ފުޅާކުރުމަށް އާދަޔާޚިލާފު ބޮޑު އިސްކަމެއް ދީގެން ވަނީ މަސައްކަތް ފަށާފައެވެ. އެގޮތުން ކަނދުފަތިތަކުގެ ޑިޒައިނަށް ބަދަލުފަހިކޮށް، ގިނަ އަދަދެއްގެ ކަނދުފަތި އަޅައި، އުތުރާއި ދެކުނުގައި ކަނދުފަތި އުފައްދާ މަރުކަޒުތައް ޤާއިމުކުރުމުގެ އަމަލީ މަސައްކަތް ދަނީ ކުރަމުންނެވެ. މި ހަރުދަނާ ސިޔާސަތުތަކުގެ ސަބަބުން މަސްވެރިންގެ ޝަކުވާތަކަށް ހައްލުލިބި، ރާއްޖޭގެ އިޤްތިޞާދީ މުސްތަޤުބަލު އުޖާލާވެގެންދާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0