Read Time:2 Minute, 18 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ސަރުކާރުގެ “ބޯހިޔާވަހިކަން އެންމެންނަށް” ސިޔާސަތުގެ ދަށުން ހުޅުވާލި ސްކީމަށް މިހާތަނަށް 3,600 އަށްވުރެ ގިނަ މީހުން ފޯމު ހުށަހަޅާފައިވާކަމަށް ހައުސިންގ މިނިސްޓަރު ޑރ. އަބްދުﷲ މުއްޠަލިބް ވިދާޅުވެއްޖެއެވެ. މި ސްކީމުގެ ދަށުން ގޯއްޗަށްވުރެ ބޮޑަށް ފްލެޓަށް އޮތް ޑިމާންޑު ބޮޑުކަން ފާހަގަކުރައްވަމުން މިނިސްޓަރު ވިދާޅުވީ، 10,000 އެއްހާ ފޯމު ފުރުމުގެ މަރުހަލާގައި މިހާރުވެސް އެބަހުރި ކަމަށެވެ. މި ފަހަރުގެ ސްކީމުގައި އެއްވެސް ބޯހިޔާވަހިކަމެއް ނެތް ފަރާތްތަކަށް އިސްކަންދިނުމަށް ވަނީ ނިންމާފައެވެ.
މި ސްކީމުގެ ދަށުން މާލެ ސަރަހައްދާއި ރަސްމާލެ ހިމެނޭހެން 15,000 ގޯއްޗާއި 7,900 ފްލެޓް ދޫކުރުމަށް ވަނީ ހަމަޖެހިފައެވެ. މީގެ ތެރޭގައި މާލޭގެ ރަށްވެހިންނަށާއި، މާލޭގައި ދިރިއުޅޭ އަތޮޅުތެރޭގެ މީހުންނަށް ވަކި ކެޓަގަރީތަކަކުން ފުރުޞަތު ދީފައިވެއެވެ. ގޯއްޗަށް އެދި ހުށަހެޅުމުގެ ސުންގަޑިއަކީ މާރިޗު 4 އެވެ. އަދި ފްލެޓަށް އެދި ހުށަހެޅޭނީ އޭޕްރީލް 17 ގެ ނިޔަލަށެވެ. މީގެ އިތުރުން ކުރީގެ ސްކީމްތަކުން ކުދި ފްލެޓް ލިބިފައިވާ މީހުންނަށް، އާއިލާގެ ބޮޑުމިނަށް ބަލައި 3 ކޮޓަރީގެ ފްލެޓަށް އެދުމުގެ ފުރުޞަތުވެސް ވަނީ ހުޅުވާލާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0