Read Time:2 Minute, 51 Second
(ފޮޓޯ ކްރެޑިޓްސް: ރައީސް އޮފީސް)
ރާއްޖޭގެ ބަޖެޓް ޑެފިސިޓް ކުޑަކުރުމަށް ސަރުކާރުން ކުރަމުންދާ މަސައްކަތްތަކުގެ ސަބަބުން އިންވެސްޓަރުންގެ އިތުބާރު ބޮޑުވެފައިވާކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. ޖަރުމަނުވިލާތުގައި ބޭއްވި “މޯލްޑިވްސް-ޖަރމަނީ ބިޒްނަސް ރައުންޑްޓޭބަލް” ގައި ވާހަކަފުޅުދައްކަވަމުން ރައީސް ވިދާޅުވީ، 2040 ވަނަ އަހަރަށް ރާއްޖެއިން ކަނޑައަޅާފައިވާ ތަސައްވުރުގެ ދަށުން އިޤްތިޞާދު ހަރުދަނާކޮށް، މާލީ ނިޒާމު ޒަމާނީކުރުމަށް މުހިންމު ފިޔަވަޅުތަކެއް އަޅަމުންދާ ކަމަށެވެ. އެގޮތުން ރާއްޖޭގެ ރިޒަރވް މަތިވެ، މާލީ އަޚުލާޤު ހިފެހެއްޓުމަށް ކުރާ މަސައްކަތުގެ ނަތީޖާއެއްގެ ގޮތުން ގޫގްލް ފަދަ ބޮޑެތި ކުންފުނިތަކުން ރާއްޖޭގައި އިންވެސްޓް ކުރަމުންދާކަން އެމަނިކުފާނު ފާހަގަކުރެއްވިއެވެ.
މީގެ އިތުރުން، އިއާދަކުރަނިވި ހަކަތައިގެ މަޝްރޫޢުތަކާއި، ޞިއްޙީ ދާއިރާ ޒަމާނީކުރުމާއި، މާލީ ދާއިރާ ތަރައްޤީކުރުމުގައި ޖަރުމަނުގެ އެހީތެރިކަމާއި އިންވެސްޓްމަންޓްތަކަށް ރައީސް ދަޢުވަތު އެރުވިއެވެ. ޚާއްޞަކޮށް 2027 ވަނަ އަހަރަކީ “ވިޒިޓް މޯލްޑިވްސް އިއަރ” ގެ ގޮތުގައި ފާހަގަކުރާނެކަން އިއުލާނުކުރައްވައި، ރާއްޖޭގެ ފަތުރުވެރިކަމުގެ ސިނާޢަތުގައި ބައިވެރިވުމަށް ޖަރުމަނުގެ ވިޔަފާރިވެރިންނަށް ބާރުއެޅުއްވިއެވެ. މި ބައްދަލުވުމުގެ ތެރެއިން ރާއްޖޭގެ ފަތުރުވެރިކަން އިޝްތިހާރުކުރުމަށް ވިލާތުގެ ބޮޑު ކުންފުންޏެއް ކަމަށްވާ “ޑިއަރޓުއަރ” އާއެކު ފަހުމުނާމާއެއްގައި ވަނީ ސޮއިކޮށްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0