Read Time:2 Minute, 30 Second
(ފޮޓޯ ކްރެޑިޓްސް: އެފްޑީސީ)
ހުޅުމާލެ ދެވަނަ ފިޔަވަހީގެ ފަހި ދިރިއުޅުން ކޯޕަރޭޝަން (އެފްޑީސީ) ފްލެޓްތަކުގެ އާންމު ސަރަހައްދުތަކަށް އުސޫލާ ހިލާފަށް ކުނި އަޅާ ފަރާތްތައް ޖޫރިމަނާކުރަން ފަށައިފިއެވެ. މިގޮތަށް ކުނި ޖަމާކުރުމުގެ ސަބަބުން އާންމު ސިއްހަތަށް ނުރައްކާވެ، ޝަކުވާތައް އިތުރުވަމުންދާތީ، އެފްޑީސީން ވަނީ ގަވާއިދާ ހިލާފުވި ބައެއް ފަރާތްތަކަށް ފިޔަވަޅު އަޅާފައެވެ. ކުނި އުކާލަންވާނީ ހަމައެކަނި ގްރައުންޑް ފްލޯގައި ހުންނަ ގާބޭޖު ރޫމްތަކަށް ކަމަށާއި، ޔުނިޓުތަކަށް ބަދަލުވާއިރު އުފެދޭ ފޮށިގަނޑު ފަދަ ތަކެތި އުކާލުމަކީ ވެރިފަރާތުގެ ޒިންމާއެއް ކަމަށް އެ ކޯޕަރޭޝަނުން ބުނެއެވެ. މިހާތަނަށް 13 ޓަވަރަކުން 460 ޓަނުގެ ކުނި ނަގާފައިވާއިރު، ޖުމްލަ 32 ޓަވަރު ސާފުކުރުމުގެ މަސައްކަތް ވެމްކޯއާ ގުޅިގެން ދަނީ ކުރަމުންނެވެ. އެހެންކަމުން، ދިރިއުޅޭ މާހައުލު ސާފުކޮށް ބޭއްވުމަށް އެންމެހާ ރައްޔިތުން އެއްބާރުލުން ދިނުމަށް އެފްޑީސީން އިލްތިމާސްކުރެއެވެ.
އަމާން ދޯދި މަޝްރޫޢުގެ ދަށުން ބިނާކޮށްފައިވާ 13 ޓަވަރަކުން މިހާތަނަށް ޖުމްލަ 460 ޓަނުގެ ކުނި ނަގައި، އެ ސަރަހައްދުތައް ވަނީ ސާފުކޮށްފައެވެ. މިއީ ގާތްގަނޑަކަށް 27 ޑަމްޕް ޓްރަކުގެ ކުންޏެވެ.
ފަހި ދިރިއުޅުން ކޯޕަރޭޝަން (އެފްޑީސީ) އާއި ވެމްކޯ ގުޅިގެން، 4000 ހައުސިންގ ޔުނިޓު ހިމެނޭ… pic.twitter.com/BORhQxAfFq
— Fahi Dhiriulhun Corporation Limited (@Fdc_mv) February 10, 2026
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0