Read Time:1 Minute, 56 Second
(ފޮޓޯ ކްރެޑިޓްސް: ރޮއިޓާރސް)
ހަކަތައިގެ ދާއިރާއިން ރަޝިޔާއަށް ބަރޯސާވުން ކުޑަކުރުމަށްޓަކައި، އެމެރިކާއާއެކު އާމީނިޔާއިން ނިއުކްލިޔަރ ހަކަތައިގެ މުހިންމު އެއްބަސްވުމެއްގައި ސޮއިކޮށްފިއެވެ. އެމެރިކާގެ ނައިބު ރައީސް ޖޭޑީ ވާންސް އާމީނިޔާއަށް ކުރައްވާ ދަތުރުފުޅުގައި ސޮއިކުރި މި އެއްބަސްވުމުގެ ދަށުން، 9 ބިލިއަން ޑޮލަރާ ގާތްކުރާ އަދަދެއްގެ މުދަލާއި ތެލުގެ ވިޔަފާރީގެ ފުރުޞަތު އެމެރިކާއިން އާމީނިޔާއަށް ފަހިކޮށްދޭނެއެވެ. މީގެ އިތުރުން، އާމީނިޔާގައި ހުރި ބައު ނިއުކްލިޔަރ ކާރުޚާނާގެ ބަދަލުގައި އައު ރިއެކްޓަރެއް ބިނާކުރުމަށް އެމެރިކާގެ ކުންފުންޏަކާ ހަވާލުކުރުމުގެ ފުރުޞަތު ބޮޑުއިރު، އޭޝިއާއާއި ޔޫރަޕް ގުޅުވައިދޭ “ޓްރިޕް” މަޝްރޫޢުގެ ދަށުން އާމީނިޔާގައި ދަތުރުފަތުރާއި މުވާޞަލާތީ ވަސީލަތްތައް ތަރައްޤީކުރުމަށްވެސް ވަނީ ރޭވިފައެވެ. މި ފިޔަވަޅުތަކަކީ ރަޝިޔާއާއި އީރާނުގެ ނުފޫޒުން އެއްކިބާވެ، ހުޅަނގުގެ ޤައުމުތަކާ ގުޅުން ބަދަހިކުރުމަށް އާމީނިޔާއިން ކުރަމުންދާ މަސައްކަތެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0