Read Time:1 Minute, 27 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ޑައިމަންޑް ޖުބުލީ 19 އަހަރުން ދަށުގެ އިންވިޓޭޝަނަލް މުބާރާތުގައި ސީއެޗްއެސްއީ މާލެ ޓީމުން ސީއެޗްއެސްއީ ހުޅުމާލެ 7-1 ގެ ތަފާތު ބޮޑު ނަތީޖާއަކުން ބަލިކޮށް، ފައިނަލުގެ ޖާގައެއް ކަށަވަރުކޮށްފިއެވެ. ކުޅުނު ދެ މެޗު ކާމިޔާބުކޮށް 6 ޕޮއިންޓާއެކު މާލެ ޓީމު ފައިނަލަށް ދިޔައިރު، ދެ މެޗުން ބަލިވި ހުޅުމާލެ ޓީމު ވަނީ މުބާރާތުން ކަޓާފައެވެ. ރަސްމީ ދަނޑުގައި ކުޅުނު މި މެޗުގައި މާލެ ޓީމުގެ ލަނޑުތައް ޖަހައިދިނީ ނާޝިއު، އާޔަން، ޝާމިލް، ސިއަމް އަދި ދެ ލަނޑު ކާމިޔާބުކުރި މިކިއާލް އެވެ. ހުޅުމާލެ ޓީމުގެ ހަމައެކަނި ލަނޑު މެޗުގެ ފަހުކޮޅު ކާމިޔާބުކޮށްދިނީ އާއިޝް އެވެ. މުބާރާތުގެ ކުރިއަށް އޮތް މެޗު ކުޅުމަށް ހަމަޖެހިފައިވަނީ އަންނަ ބުރާސްފަތި ދުވަހުއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0