Read Time:2 Minute, 45 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ރާއްޖޭގެ ތާރީޚުގައި ފުރަތަމަ ފަހަރަށް ސަރުކާރުގެ ހޮސްޕިޓަލެއްގައި ތެލަސީމިއާގެ ތަފާތު ޓެސްޓްތައް ހެދޭނެ ޑީ.އެން.އޭ ލެބޯރެޓަރީއެއް މޯލްޑިވްސް ބްލަޑް ސަރވިސަސްގައި ޤާއިމުކޮށް، ޚިދުމަތް ދޭން ފަށައިފިއެވެ. މިއީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ތެލަސީމިއާ ބަލީގެ ފަރުވާ ފުޅާކުރުމަށް ވެވަޑައިގެންފައިވާ ވަޢުދުގެ ދަށުން ކުރިއަށްގެންދިޔަ މުހިންމު މަސައްކަތެކެވެ.
ދައުލަތުގެ ބަޖެޓުން 2.5 މިލިއަން ރުފިޔާ ޚަރަދުކޮށްގެން ހުޅުވި މި ލެބޯރެޓަރީގެ ސަބަބުން، މީގެ ކުރިން ރާއްޖެއިން ބޭރުން ހޯދަންޖެހުނު ގިނަ ޓެސްޓުތަކެއް އޮޓަމޭޓެޑް މެޝިންތަކުގެ އެހީގައި ރާއްޖޭގައި ހެދޭނެ މަގު ވަނީ ފަހިވެފައެވެ. އޭގެ ތެރޭގައި ލޭގައި ހިމެނޭ ހީމޮގްލޯބިންގެ 27 ބާވަތެއްގެ މިއުޓޭޝަން ދެނެގަތުމާއި، ތެލަސީމިއާ ވާރުތަކުރާ ގޮތް ދެނެގަތުމުގެ އިތުރުން ޕްރީނޭޓަލް ޑައިގްނޯސިސް ފަދަ މުހިންމު ޚިދުމަތްތައް ހިމެނެއެވެ.
ސަރުކާރުން ތެލަސީމިއާގެ ފަރުވާ ހަރުދަނާކުރުމަށް ކުރަމުންދާ އިތުރު މަސައްކަތްތަކުގެ ތެރޭގައި، ހިލޭ ބޯންމެރޯ ޓްރާންސްޕްލާންޓް ހެދުމުގެ ފުރުސަތު އިތުރު ކުދިންނަށް ފޯރުކޮށްދިނުމާއި، މި އަހަރުން ފެށިގެން ތެލަސީމިއާ ކުދިންނަށް 2000 ރުފިޔާގެ އެލަވަންސެއް ދިނުން ހިމެނެއެވެ. މީގެ އިތުރުން، ކުރިއަށް އޮތް ތަނުގައި ތެލަސީމިއާ ބައްޔަށް ޚާއްސަ ހޮސްޕިޓަލެއް ބިނާކުރުމުގެ މަސައްކަތް ފެށުމަށްވެސް ސަރުކާރުން ވަނީ ނިންމާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0