Read Time:2 Minute, 12 Second
(ފޮޓޯ ކްރެޑިޓްސް: ރައްޔިތުންގެ މަޖިލިސް)
ރައްޔިތުންގެ މަޖިލީހުގެ މަސައްކަތްތަކުގައި ރައްޔިތުންގެ ބައިވެރިވުން އިތުރުކުރުމަށްޓަކައި “އީ-ޕެޓިޝަން ޕޯޓަލް” މިއަދު ވަނީ އިފްތިތާޙުކޮށްފައެވެ. އީ-ފާސް މެދުވެރިކޮށް ބޭނުންކުރެވޭ މި ޕޯޓަލްގެ ސަބަބުން، ކޮންމެ ރަށެއްގައި ހުރެގެންވެސް އޮންލައިންކޮށް ޕެޓިޝަން ހުށަހެޅުމާއި، އޭގެ ތަފުސީލުތައް ބަލައިލުމުގެ ފުރުޞަތު ރައްޔިތުންނަށް ފަސޭހަކަމާއެކު ލިބިގެންދާނެއެވެ. މިއީ މަޖިލީހުގެ މެންބަރުންނަށް ބަރޯސާނުވެ، ސީދާ ރައްޔިތުންނަށް މަޖިލީހުގެ ސަމާލުކަމަށް ކަންކަން ގެނައުމަށް މަގުފަހިކޮށްދޭ ނިޒާމެކެވެ.
މި ނިޒާމަކީ ޔޫ.އެން.ޑީ.ޕީ އާއި އިނގިރޭސިވިލާތް އަދި އޮސްޓްރޭލިއާގެ އެހީތެރިކަމާއެކު ފަރުމާކޮށްފައިވާ ނިޒާމެކެވެ. މިއާއެކު، ދެކުނު އޭޝިއާ ސަރަޙައްދުގައި މިފަދަ ޑިޖިޓަލް ޕެޓިޝަން ނިޒާމެއް ޤާއިމުކުރި މަދު ޤައުމުތަކުގެ ތެރޭގައި ރާއްޖެ ވަނީ ހިމެނިފައެވެ. މި ޕޯޓަލްގެ ސަބަބުން މަޖިލީހުގެ މަސައްކަތްތައް ހާމަކަން ބޮޑުވެ، ރައްޔިތުންނާއި މަޖިލީހާ ދެމެދު އޮންނަ ގުޅުން އިތުރަށް ބަދަހިވެގެންދާނެ ކަމަށް މަޖިލީހުގެ ރައީސް ޢަބްދުއްރަޙީމް ޢަބްދުﷲ ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0