Read Time:1 Minute, 54 Second
(ފޮޓޯ ކްރެޑިޓްސް: ޕީއެސްއެމް ނިއުސް)
މާލޭގެ ބާޒާރުމަތީ ސަރަޙައްދުގެ މަގުތައް ތާރުއަޅައިގެން ޒަމާނީ ފެންވަރަށް ތަރައްޤީކުރުމުގެ މަޝްރޫޢު ކުރިއަށްދާގޮތް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ބައްލަވައިލައްވައިފިއެވެ. އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫޢުގެ ދަށުން، ލޯކަލް މާރުކޭޓުން ފެށިގެން ނޯތު ހާބަރާ ހަމައަށް 250 މީޓަރުގެ ސަރަޙައްދެއްގައި ތާރުއެޅުމުގެ މަސައްކަތް ދަނީ ކުރަމުންނެވެ. ރައީސް ވިދާޅުވި ގޮތުގައި މި ސަރަޙައްދުގެ މަސައްކަތް ރޯދަމަހުގެ ކުރިން ނިންމައި، މަގުތައް ދެކޮޅަށް ދުއްވޭގޮތަށް ފުޅާކުރެވޭނެއެވެ. މިހާރު މަގުގެ ސަބް-ބޭސް އެޅުމުގެ މަސައްކަތް ނިމި، މި ހަފުތާގެ ތެރޭގައި ތާރުއެޅުމާއި މަގުބައްތި ޖެހުން ފަދަ މަސައްކަތްތައް ފެށުމަށް ވަނީ ހަމަޖެހިފައެވެ. މި މަޝްރޫޢު ނިމުމުން ބާޒާރުމަތީގެ ތޮއްޖެހުން ކުޑަވެ، މުދާ އުފުލުމާއި ދަތުރުފަތުރު ކުރުމުގައި އާންމުންނަށާއި ވިޔަފާރިވެރިންނަށް ބޮޑެތި ފަސޭހަތަކެއް ލިބިގެންދާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0