Read Time:2 Minute, 11 Second
(ފޮޓޯ ކްރެޑިޓްސް: ރައީސް އޮފީސް)
ރާއްޖޭގެ މީހުން ދިރިއުޅޭ ހުރިހާ ރަށެއްގައި ކުރިއަށްދާ ޢުމްރާނީ ތަރައްޤީގެ މަޝްރޫޢުތައް އަވަސްކޮށް ޚަރަދު ކުޑަކުރުމަށްޓަކައި، ބޭނުންވާ ބޮޑުހިލަ ބަލްކްކޮށް ގެނެސް ސްޓޮކްޕައިލް ކުރުމުގެ މަސައްކަތް ސަރުކާރުން ވަނީ ފަށާފައެވެ. ރައީސުލްޖުމްހޫރިއްޔާގެ ރިޔާސީ ބަޔާނުގައި ފާހަގަކުރެއްވި ގޮތުގައި، އަސާސީ ޚިދުމަތްތައް ޤާއިމުކުރުމަށް 400 އަށްވުރެ ގިނަ މަޝްރޫޢު މިހާރުވެސް އަންނަނީ ހިންގަމުންނެވެ. މީގެ ތެރޭގައި ބަނދަރު ހެދުމާއި، ގޮނޑުދޮށް ހިމާޔަތްކުރުމާއި، މަގު ހެދުމުގެ އިތުރުން ފެނާއި ނަރުދަމާގެ ގިނަ މަސައްކަތްތަކެއް ހިމެނެއެވެ. ޚާއްޞަކޮށް ކުރިއަށް އޮތް 18 މަސްދުވަހުގެ ތެރޭގައި ހުރިހާ ރަށަކަށް ފެނާއި ނަރުދަމާގެ ޚިދުމަތް ފޯރުކޮށްދިނުމަކީ ސަރުކާރުގެ އަމާޒެކެވެ. މަޝްރޫޢުތަކުގެ ދުވެލި ހަލުވިކުރުމަށްޓަކައި އާރްޑީސީ މެދުވެރިކޮށް ބޭނުންވާ މެޝިނަރީތައް ގެނައުމުގެ މަސައްކަތް ޗައިނާ ކުންފުންޏަކާ ހަވާލުކޮށްފައިވާއިރު، މި ތަކެތި އޭޕްރިލް މަހުގެ ނިޔަލަށް ރާއްޖެ ގެނައުމުން އަތޮޅުތެރެއާއި މާލެ ސަރަޙައްދުގެ މަސައްކަތްތައް އެކީގައި ބާރުދުވެލީގައި ކުރިއަށްދާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0