Read Time:1 Minute, 39 Second
ރާއްޖޭގެ އުތުރުގެ އިގްތިސާދީ މައި މަރުކަޒަކީ ހދ. ކުޅުދުއްފުށި ކަމަށާއި، އެންމެ ގިނަ ފައިސާއާއި ޑޮލަރު އެ ސިޓީއަށް ވެއްދޭނީ ތަރައްގީ ގެންނަން އެނގޭ ސަރުކާރަކަށް ކަމަށް ފިޝަރީޒް މިނިސްޓަރު އަހުމަދު ޝިޔާމް ވިދާޅުވެއްޖެއެވެ. ކުޅުދުއްފުށީގެ ކެމްޕެއިން ޖަލްސާގައި ވާހަކަދައްކަވަމުން މިނިސްޓަރު ވިދާޅުވީ، ސަރުކާރުން މަސައްކަތް ކުރަނީ ރައްޔިތުންގެ ޖީބުތައް ތަނަވަސްކޮށްދީ އިގްތިސާދީ މަންފާ ހޯދައިދިނުމަށް ކަމަށެވެ. އެހެންކަމުން ސަރުކާރާ ގުޅިގެން މަސައްކަތް ކުރާނެ ކެންޑިޑޭޓުން އިންތިހާބު ކުރުމުގެ މުހިންމުކަން އޭނާ ފާހަގަކުރެއްވިއެވެ. މީގެ އިތުރުން، 2025 ވަނަ އަހަރުގެ ބަޖެޓަކީ ރައީސް ޑރ. މުއިއްޒުގެ ތަސައްވަރުތައް ތަންފީޒުކުރާނެ ފުރަތަމަ ބަޖެޓު ކަމަށާއި، އެއާއެކު ތަރައްގީގެ މަޝްރޫއުތަކަށް ބޮޑެތި ކުރިއެރުންތަކެއް ލިބޭނެ ކަމަށް ޝިޔާމް ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0