Read Time:2 Minute, 5 Second
ދިވެހިރާއްޖޭގެ އެއަރ ކޯގެ ޚިދުމަތް ފެށުމާއެކު، ރާއްޖޭގެ ކަނޑުގެ ސަރަހައްދަށް ގަވާއިދާ ހިލާފަށް ވަންނަ އުޅަނދުތައް ވަރަށް ބޮޑަށް މަދުވެފައިވާ ކަމަށް ދިފާއީ ވަޒީރު މުޙައްމަދު ޣައްސާން މައުމޫން ވިދާޅުވެއްޖެއެވެ. ވަޒީރު ވިދާޅުވި ގޮތުގައި، ވައިގެ މަގުން ސަވޭލަންސް ބެލެހެއްޓުމުގެ ނިޒާމު ގާއިމުވުމުން، އިގްތިސާދީ ސަރަހައްދުގައި ހަރަކާތްތެރިވާ ގަވާއިދާ ހިލާފު މަސްބޯޓުތައް ހޯދައި ހިފެހެއްޓުމުގެ އޮޕަރޭޝަންތަކަށް ވަނީ ބޮޑު ކުރިއެރުމެއް ލިބިފައެވެ.
މިދިޔަ ނޮވެމްބަރު މަހު އައްޑޫ އަތޮޅު ގަމުގައި ރާއްޖޭގެ ފުރަތަމަ އެއަރ ސްޓޭޝަން ހުޅުވައި، ދެކުނުގެ 200 ނޯޓިކަލް މޭލާ ހަމައަށް މިހާރު ދަނީ އޮޕަރޭޝަންތައް ހިންގަމުންނެވެ. އަދި މިއަހަރުގެ ތެރޭގައި ށ. ފުނަދޫގައި އުތުރުގެ އެއަރ ސްޓޭޝަން ގާއިމުކޮށް ނިންމުމަކީ ސަރުކާރުގެ އަމާޒެކެވެ. ރައީސުލްޖުމްހޫރިއްޔާގެ ގަރާރަކުން އުފެއްދެވި އެއަރ ކޯގެ މައިގަނޑު މަގްސަދަކީ، ރާއްޖޭގެ މިނިވަންކަމާއި ސިޔާދަތީ ބާރު ދަމަހައްޓައި، ވައިގެ ސަރަހައްދާއި އިގްތިސާދީ ސަރަހައްދު 24 ގަޑިއިރު ހުއްޓުމެއްނެތި ބެލެހެއްޓުމެވެ.
Happy
0 %
Sad
0 %
Excited
100 %
Sleepy
0 %
Angry
0 %
Surprise
0 %
0
0